• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Мектепке чейинки билим берүү башкармалыгы(39)
• Мектептеги билим берүү башкармалыгы(106)
• Башталгыч кесиптик билим берүү башкармалыгы(208)
• Инфраструктура жана мамлекеттик сатып алуулар башкармалыгы(5)
• Бюджеттик саясат жана финансылык анализ башкармалыгы(3)
• Бухгалтердик эсеп жана отчёттуулук бөлүмү(0)
• Тарбиялоо жана мектептен тышкаркы билим берүү бөлүмү(8)
• Аккредитациялоо жана лицензиялоо бөлүмү(29)
• Санариптик трансформация бөлүмү(3)
• Укуктук камсыз кылуу бөлүмү(4)
• Адам ресурстарын башкаруу бөлүмү(47)
• Мониторинг, стратегиялык пландоо жана мамлекеттик программаларды талдоо бөлүмү(3)
• Документтик камсыз кылуу жана контролдоо бөлүмү(3)
• Эл аралык кызматташтык сектору(79)
• Маалыматтык саясат сектору(3053)
• Илим жана инновациялар башкармалыгы(71)
• Жогорку, орто кесиптик жана жогорку окуу жайдан кийинки билим берүү башкармалыгы(28)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Билим берүүнүн сапатын өнүктүрүү департаменти(21)
• Көз карандысыз сертификациялоо жана валидациялоо борбору(25)
• Республиканский научно-методический центр(66)
• Республикалык дене тарбия, спорт жана маданият боюнча усулдук борбору(97)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Алтын түйүн» улуттук балдар инженердик-техникалык академиясы(0)
• "Балажан" республикалык эстетикалык тарбия берүү окуу-усулдук борбору(0)
• «Сейтек» балдар жана өспүрүмдөр улуттук борбору(0)
• «Кут билим» медиа борбору(0)
• Аймактар ​​аралык психологиялык, медициналык жана педагогикалык консультация(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Билим берүүдөгү долбоордук демилгелер лабораториясы(1)
• Дүйнөлүк банктын долбоорлорун ишке ашыруу бөлүмү(115)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(25)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)

Жаңы окуу жылында – жаңыланган стандарттар

Көрүлдү: 0

Өлкөдө жаңы окуу жылында математика, физика, химия, биология, информатика жана география предметтери боюнча жаңыланган предметтик стандарттар киргизилген. Бул – өлкөнүн он эки жылдык билим берүү системасына өтүү жолундагы маанилүү кадамдардын бири болуп саналат.

Бул иштер Азия өнүктүрүү банкы тарабынан каржыланып, Агартуу министрлиги тарабынан ишке ашырылып жаткан «Секторду өнүктүрүү долбоору: мектептик билим берүүнү реформалоо» долбоорунун колдоосунда жүргөн. Ал эми Кыргыз билим берүү академиясы (КББА)жараянды толугу менен координациялаган.

Ишке өлкөнүн ар кайсы аймактарынан келген 37 эксперт тартылган. Алардын арасында КББАнын илимий кызматкерлери, Педагогикалык кызматкерлердин квалификациясын жогорулатуу жана кайра даярдоо республикалык институтунун адистери жана чоң тажрыйбасы бар мугалим-практиктер бар.

КББАнын жетектөөчү илимий кызматкери, педагогика илимдеринин кандидаты, Табигый-илимий жана математикалык билим берүү лабораториясынын башчысы Бактыгүл Рыспаева бул жаатта жасалган иштер, жаңы стандарттардын өзгөчөлүктөрү тууралуу айтып берди.

Жаңы стандарттар окуучунун ой жүгүртүү жана изилдөө жөндөмүн өнүктүрүүгө багытталган.

«Жаңы стандарттардын негизги максаты – окуучуларды реалдуу жашоого жана эмгекке даярдоо, билимди практикага колдонууга үйрөтүү», – дейт КББАнын жетектөөчү илимий кызматкери, педагогика илимдеринин кандидаты Бактыгүл Рыспаева.

Мурдагы стандарттар негизинен теориялык билимди текшерүүгө багытталган болсо, азыркы жаңы үлгү окуучунун компетенттүүлүгүн жана ой жүгүртүүсүн өнүктүрүүгө көңүл бурат.

Билим берүү түзүмүндөгү өзгөрүүлөр

Кыргызстан дүйнөлүк билим берүү мейкиндигине интеграцияланууну көздөп, билимдин сапатын жогорулатууга багыт алды.

Жаңы 12 жылдык система төмөнкүдөй болуп өзгөрдү:

• Башталгыч мектеп: 1–6-класстар
• Негизги мектеп: 7–9-класстар
• Жогорку профилдик баскыч мектеп: 10–12-класстар

Ошондой эле, стандарттар санариптик, инклюзивдик, экологиялык жана интегративдик  мамилелердин негизинде түзүлдү.

Химия предметиндеги жаңычылдыктар

Б.Рыспаеванын жетекчилиги менен иштелип чыккан химия  боюнча предметтик стандарттын мазмунунда да кыйла өзгөрдү.

Базистик окуу планда химия предмети 2025-2026 окуу жылынан баштап 7-класстан баштап  жумасына 1 саат, жыл бою 34 саат окутула баштады (мурда 8-класстан башталчу).
 

Бул окуучуларга алгачкы химиялык түшүнүктөрдү өздөштүрүүгө жана жогорку класстардагы татаал темаларга даярданууга жардам берет жана аларда алгачкы химиялык түшүнүктөрдү калыптандырат.

«Бардык табигый илимий предметтерди 7-класстан баштап окутуу – окуучунун дүйнөнү бирдиктүү илимий көз караш менен түшүнүүсүнө өбөлгө түзөт», – деп белгиледи Рыспаева.

Жаңы стандартта практикалык иштерге өзгөчө көңүл бурулган жана 7-класска 12 лабораториялык иш киргизилген.

Виртуалдык лабораториялар жана санариптик чечимдер

Практикалык иштерди өткөрүүдө реактивдер жетишсиз болгон учурда виртуалдык лабораториялар жана электрондук ресурстар колдонулат.

«Бул ыкма окуучулардын маалыматтык жана санариптик компетенттүүлүгүн өнүктүрүүгө өбөлгө түзөт», – деди Рыспаева.

Баалоо системасы

Окуучулардын окуу жетишкендиктери ар бир предметтин өзгөчөлүгүнө жараша бааланат.
Химия сабагында, мисалы, төмөнкүлөр эске алынат:

• оозеки жана жазуу иштерин аткаруу;
• эксперимент жана изилдөө иштерин жүргүзүү көндүмдөрү;
• техникалык коопсуздук эрежелерин сактоо;
• эсептик маселелерди чыгаруу жөндөмү.

Баалоонун бардык критерийлери стандарттардын жана окуу программаларынын тиркемелеринде көрсөтүлгөн.

 

Бөлүшүңүз