• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(161)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2304)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(2)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

Мектеп окуучулары арасында өткөрүлгөн Укуктук олимпиаданын жеңүүчүлөрү аныкталды

Көрүлдү: 1158

Бүгүн, 21-декабрда, Кыргыз Республикасынын Билим берүү жана илим министрлигинин имаратында Укуктук олимпиаданын жеңүүчүлөрүн сыйлоо аземи болуп өттү.

Эске сала кетсек, 2021-жылдын 2-декабрынан 11-декабрына чейин 9-11-класстын окуучулары арасында онлайн форматында Укуктук олимпиада өткөрүлгөн. Олимпиадага Кыргызстандын бардык аймактарынан 2700дөн ашык окуучу катышып, юриспруденция боюнча билимдерин сынашкан.

Олимпиаданын негизги максаттары – жаштардын укуктук сабаттуулугунун деңгээлин жогорулатуу жана “Адам жана коом” сабагына кызыктыруу.

“Бул олимпиада мектеп окуучуларынын өз укугун колдонуусуна жана билүүсүнө түрткү болду. Ошондой эле Укуктук олимпиаданын бардык этаптары онлайн режиминде өткөнү да коптөгөн окуучуларды тартууга мүмкүндүк берди. Азыркы мектеп окуучулары олимпиадаларда, сынактарда мыкты жыйынтыктарды көрсөтүп жатканына абдан кубанычтамын”, – деди Билим берүү жана илим министрлигинин мектеп, мектептен тышкаркы жана кошумча билим берүү башкармалыгынын башчысы Марат Усеналиев.

Эпидемиологиялык абалды эске алуу менен олимпиаданын бардык этаптары онлайн форматта www.ukuk.alc.kg бирдиктүү платформасы аркылуу өткөрүлдү. Олимпиада 3 этапта өттү:

1-этап – 15 суроодон турган тесттен өтүү;

2-этап – 10 укуктук маселени чечүү;

3-этап – калыстар тобунун мүчөлөрүнүн алдында укуктук маселени чечүү.

Жалпы жыйынтык боюнча олимпиаданын 30 катышуучусуна сертификаттар жана баалуу белектер ыйгарылды:

1-орундан 5-орунга чейин – букридерлер (электрондук китеп окугучтар);

5-орундан 10-орунга чейин – акылдуу сааттар;

10-орундан 30-орунга чейин – рюкзактар.

Төмөнкү катышуучулар олимпиаданын жеңүүчүлөрү болушту:

1. Жолдошева Айжана – Бишкек шаарынын №4 гуманитардык-укуктук багыттагы мектеп-гимназиясынын 9-классынын окуучусу;

2. Төрөбаева Томирис – Чүй облусунун Кант шаарынын А.М. Мурсабаева атындагы №4 орто мектеп-гимназиясынын 11-классынын окуучусу;

3. Медетбекова Айжамал – Нарын облусунун Жумгал районуна караштуу Чаек айылынын Т. Турсунбаева атындагы мектеп-гимназиясынын 9-классынын окуучусу;

4. Темиркулова Сезим – Чүй облусунун Жайыл районуна караштуу Сосновка айылынын Сосновка орто мектебинин 10-классынын окуучусу;

5. Үрүстөмбекова Нурпери – Нарын облусунун Жумгал районуна караштуу Чаек айылынын Т. Турсунбаева атындагы мектеп-гимназиясынын 11-классынын окуучусу.

Иш-чаранын жүрүшүндө уюштуруучулар онлайн олимпиада өткөрүлгөн www.ukuk.alc.kg платформасы менен тааныштырышты жана Укуктук олимпиаданы өткөрүү “Адам жана коом” предмети боюнча окутуунун натыйжалуулугун жана окуучулардын прогрессине мониторинг жүргүзүү жана баалоо үчүн эң сонун курал болорун белгилешти. “Укуктук аймак” долбоорунун алкагында мектеп окуучулары жана мугалимдери үчүн жеткиликтүү укуктук маалыматтын булагы катары кызмат кыла турган бирдиктүү онлайн платформа түзүлдү. Платформада “Адам жана коом” предметинин мугалимдери үчүн укуктук темалар боюнча сабактын пландары, ал эми мектеп окуучулары үчүн пайдалуу макалалар менен өзүнчө бөлүм бар.

Укуктук олимпиада “Укуктук аймак” долбоорунун алкагында Кыргызстандын юридикалык клиникалар ассоциациясы тарабынан Кыргыз Республикасынын Билим берүү жана илим министрлиги менен биргеликте Бириккен Улуттар Уюмунун Өнүктүрүү программасынын “Инклюзивдүү, адамга багытталып, адам укуктарына негизделген мамиленин негиздерин улуттук укуктук процесстерге, сот адилеттигине жана конституциядан кийинки процесстерге интеграциялоо” долбоорунун алкагында өткөрүлдү.

Бөлүшүңүз