• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(153)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(53)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

Бишкекте 2021-жылдын мыкты мектеп ашпозчусу аныкталды

Көрүлдү: 1079

2021-жылдын мыкты мектеп ашпозчусу бүгүн Бишкек шаарында өткөн конкурстун финалында аныкталды. Сегиз айга жакын күч сынашкандан кийин алдыга озуп чыккан эң мыкты мектеп ашпозчулары бүгүн Бишкектеги «Orange» кулинардык студиясында өнөрлөрүн көрсөтүштү.

Алгач 57 мектептин ашпозчулары биринчи баскычка катышкан. Өлкөнүн булуң-бурчунан мелдешке катышууну каалаган ашпозчулар алгач кантип бул кесипти тандаганы тууралуу баяндарын жөнөтүшкөн. Экинчи баскычта калыстар тобу ашпозчулардын бул кесипти кантип тандап алганы тууралуу мыкты аңгемелерин аныктаган. 35 мыкты ашпозчу тандалып, мектеп менюсуна жаңы рецептти иштеп чыгышкан. Алардын арасынан эң чыгармачыл беш рецептти түзгөн ашпозчулар финалдык турга өтүшкөн.

Финалдык турдун жыйынтыгы боюнча Талас областынын Манас районуна караштуу Май айылындагы Шабданбек Кочкорбаев атындагы орто мектептин ашпозчусу Назгүл Алыбаева 2021-жылдын эң мыкты мектеп ашпозчусу деп табылды. Ал эми 2-орунду Максатбек Кожокеев (М. Элебаев атындагы №10 орто мектеп, Ысык-Көл областы), 3-орунду – Гүлсада Батырбекова (Султаналы уулу Кушубак атындагы орто мектеп, Талас областы), 4-орунду – Айша Губарова (В.И. Ленин атындагы орто мектеп, Чүй областы), 5-орунду – Инаят Курбаналиева (Бурхан Набиев атындагы орто мектеп, Баткен областы) ээледи.

Бул конкурс мектеп окуучуларынын ысык тамагын даярдоодо жана тейлөөдө өз өнөрлөрүн көрсөтүп келген мектеп ашпозчуларынын эмгегин даңазалоо, ошондой эле өлкөнүн келечеги болгон балдардын туура тамактануусунун маанилүүлүгүнө коомчулуктун көңүлүн буруу максатында уюштурулуп келет.

Мектеп ашканаларында даярдалган даамдуу тамак-аш коомчулукта тамактануу маданиятын тарбиялайт. Айталы, Бириккен Улуттар Уюмунун Дүйнөлүк азык-түлүк программасынын Кыргыз Республикасынын Улуттук статистика комитети менен бирге жүргүзгөн акыркы изилдөөсүнө ылайык, туура эмес тамактануу кыргызстандыктардын ден соолугуна кедергисин тийгизген негизги фактор бойдон калууда.

“Мектеп жөн гана билим ала турган жай эмес, ал – келечектеги коомчулуктун тиреги болгон жарандарды тарбиялаган жай. Мектептерде балдарды ар түрдүү азыктар менен камсыз кылуу дени сак жарандарды калыптандырууга мүмкүнчүлүк берет, – дейт Кыргыз Республикасындагы БУУнун Дүйнөлүк азык-түлүк программасынын директорунун милдетин убактылуу аткарып жаткан Майкл Хаггинс. – Демек, мектеп ашпозчуларынын чыгармачылыгы, талыкпаган эмгеги балдардын жаркын келечегине өбөлгө түзөт”.

Мектеп ашпозчуларынын мелдеши Улуттук мектеп тамак-аш программасынын маанилүү бөлүгү болуп саналат. Программа өлкө боюнча 800дөн ашуун мектептеги 220 миңден ашуун баштапкы мектеп окуучуларын сапаттуу тамак менен камсыз кылууда.

“Мектепте тамактандыруу балдардын окуусуна көмөктөшөт жана алардын ден соолугун чыңдайт. Улуттук программанын пайдасы мектептен тышкары да байкалат”, – деди Кыргыз Республикасынын билим берүү жана илим министринин орун басары Надира Джусупбекова.

Белгилей кетсек, 2013-жылдан бери Россия Федерациясынын финансылык колдоосу менен Кыргыз Республикасынын Билим берүү жана илим министрлиги, Дүйнөлүк азык-түлүк программасы, Индустриалдык тамактануу институту менен биргеликте Мектепте тамактанууну жакшыртуу программасын ишке ашырып келе жатат. Бул программа улуттук жана жергиликтүү бийликтин, коомчулуктун жана донорлордун колдоосу менен кеңири таанылган демилге болуп саналат.

Конкурс БУУнун Дүйнөлүк азык-түлүк программасы, Кыргыз Республикасынын Билим берүү жана илим министрлиги жана Индустриалдык тамактануу институту (SIFI) тарабынан колдоого алынды.

Бөлүшүңүз