Көрүлдү: 508
Кытай Эл Республикасынын Шаньдун провинциясынын Цзинань шаарындагы үч университет (Цзинань университети, Шаньдун архитектуралык университети, Цилу университети (Шаньдун илимдер академиясы)) 50 квоталык орунга Кыргыз Республикасынын жарандарынын документтерин кабыл алуу башталганын жарыялайт.
Квоталык орундар Цзинань шаарынын өкмөтү тарабынан Кыргыз Республикасы менен Кытай Эл Республикасынын ортосунда кыргызстандык жарандарды жогоруда көрсөтүлгөн жогорку окуу жайларында окутуу үчүн 200 квоталык орун бөлүү жөнүндө жетишилген макулдашуунун алкагында бөлүнгөн.
Цзинань шаарынын өкмөтүнүн стипендиясы студенттин окуу акысын, университеттик жатаканада жашоо жана медициналык камсыздандыруу акысын камтыйт. Бирок студенттерге ай сайын накталай акча түрүндө стипендия берилбейт, ошондуктан калган бардык чыгымдарды (жол кире, виза ж.б.), анын ичинде жеке чыгымдарды, студенттер өздөрү төлөшөт.
Каалоочулар университеттердин талаптарына ылайык кабыл алуу мөөнөтү аяктаганга чейин арыздарды жана бардык зарыл документтерди өз алдынча жана өз убагында тапшыруусу зарыл. Университеттер, талаптар жана документтерди тапшыруу тартиби жөнүндө маалымат тиркемеде.