• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(28)
• Башталгыч кесиптик билим берүү башкармалыгы(181)
• Мектептик, мектептен тышкаркы жана кошумча билим берүү башкармалыгы(100)
• Мектепке чейинки билим берүү башкармалыгы(36)
• Бюджеттик саясат жана финансылык анализ башкармалыгы(3)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(27)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2521)
• Эл аралык кызматташтык бөлүмү(73)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(47)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Республикалык дене тарбия, спорт жана маданият боюнча усулдук борбору(92)
• Республиканский научно-методический центр(66)
• “Санарип билим берүү борбору” мамлекеттик мекемеси(2)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(100)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(7)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

РАМИСТИН ЖАШООСУН ӨЗГӨРТКӨН “3 СААТ”

Көрүлдү: 2325

Беш жаштагы Рамис эки ай мурда бакча босогосун аттаган. Жаңы чөйрөгө бат көнүп кетти. Шаңдуу досторуна, кооз бакчасына күн сайын шашылат. Анын балалыгына түстүү боёкторду кошуп, билим дүйнөсүнө көпүрө болгон жай – айыл тарыхындагы алгачкы бала бакча.

 

“Балам бакчага барганга чейин түнт болчу, адамдарга жакындап, көп сүйлөшө берчү эмес. Чогуу ойногон достору да аз эле. Бакчага бара баштагандан кийин көп өзгөрүүлөр болду. Адамдар менен сүйлөшө баштады, өзгөчө сүрөт тартканды жактырып калды. Тарбиячы айткан тапшырмаларды кылышым керек деп альбомдордогу сүрөттөрдү тартып калат. Кийимдерин өзү чечип-кийип, тизип, текчесине коюп, өз алдынча болуп калды. Эң башкысы телефон кармагандан алыстады”, - деп кубанат Рамистин апасы Калича Токобаева.

Рамис каттаган бакча “Зирек” деп аталат. Ал Ош облусунун Кара-Суу районундагы Отуз-Адыр айыл өкмөтүнө караштуу Кызыл-Абад айылында жайгашкан. Билим берүү жана илим министрлиги мекемени 2024-жылы ачкан. Азыр мында нөөмөт менен 100 бала тарбияланат. 

---

“Зирек” Кызыл-Абаддын тарыхындагы эң алгачкы бакча болгону жалгыз өзгөчөлүк эмес. Дагы бир айырмачылыгы – ал кыска мөөнөттүү деп аталат да, балдар бакчада 3 саат эле жүрүшөт. 

3 саат – мамлекеттик стандартта жеткинчектерди курагына жараша өнүктүрүү үчүн белгиленген убакыт. Башкача айтканда, балдар окуу-тарбия жагынан эч аксабайт, болгону укташпайт жана тамак ичишпейт. Кыска мөөнөттүү бала бакчалар экономикалык жактан үнөмдүү жана эки нөөмөт менен эки эсе көп баланы камтый алат.

Албетте, бакчанын мындай форматы жергиликтүү эл үчүн чоң жаңылык болду, айрымдар үч сааттык өнүктүрүү багытына ишеним арта албай турушту. Бирок кыска мөөнөттүү бакчалар бир топ натыйжалуу болоруна балдарындагы өзгөрүүлөрдөн улам ынанып отурушат. 

“Биздин айылда бала бакча болгон эмес, балдар бакча эмне экенин билбей эле чоңоюшкан. Билим берүү жана илим министрлигинин “Келечек үчүн билим берүү” долбооруна мурда административдик болгон имаратты сунуштадык. Ал тизмеге кирип, 6 бөлмө толугу менен оңдоодон өттү. Бир бөлмөгө заманбап санитардык-гигиеналык шарт түзүлдү. Бала бакча үчүн керектүү болгон эмерек, килем, өнүктүрүүчү куралдар, оюнчуктар берилди. Жергиликтүү бийлик да жардам көрсөттү. Ошентип, 2024-жылдын май айында айылыбыздын тарыхында алгачкы бала бакча ачылды”, – дейт бакчанын жетекчиси Гүлзина Аматова.

Февраль ичинде эле Кара-Суу районунда кыска мөөнөттүү мындай бала бакчадан дагы сегизи ачылды. Ошентип, райондо мындай форматтагы мектепке чейинки билим берүү мекемелеринин саны 29га жетти, жай ичи дагы алты бакча бөбөктөр үчүн эшигин ачат. Эң негизги сан, көңүл кубанткан жаңылык - Кара-Суудагы 2600 бала эрте өнүктүрүү программасына тартылды.

“Жайында алты мекеме ачылса, дагы 500дөн ашык бала бакчага бара баштайт. Билим берүү жана илим министрлигинин бала бакча менен камтуу көрсөткүчүн жогорулатуу боюнча демилгелеп жаткан чаралары колго аларлык. Мисалы, кыска мөөнөттүү бала бакчалар нөөмөт менен иштегендиктен бир мезгилде эки эсе көп баланы камтыганга мүмкүнчүлүк жаралды. Бир тайпа нөөмөт менен 25тен 50 баланы тартып жатат. Башкысы ар бир балабыз ар тараптан өнүгүүгө жана мектептеги ийгиликтерине негиз сала турган ушул куракта билим берүү программаларынан сыртта калбаса деген ой”, – дейт Кара-Суу райондук билим берүү бөлүмүнүн башкы адиси Раксана Ысакова. 

Кара-Суу районундагы айыл өкмөттөрү долбоорго алгачкы күндөн катышып, колдо бар ресурстарын аяган жок. Жоош айыл өкмөтүнүн орун басары Нурсултан Токторбаев бир кезде бош жаткан мектеп класстары, колдонулбай калган имараттар азыр бала бакчага айланганын айтат. 

“Биз электр энергиясы, суу, жасалгалоо маселелине жардам бердик. Долбоор дагы уланса, биздеги 13 айылдын баарында тең ушул сыяктуу бала бакчаларды түзүп алсак деген ниетибиз бар”, – дейт Токторбаев.

2025-жылдын башына карата өлкө боюнча 495 кыска мөөнөттүү бала бакча иштеп жатат. Мында 28 миңден ашуун бала тарбияланууда. 

Билим берүү жана илим министрлиги ишке ашырып жаткан «Келечек үчүн билим берүү» жана «Окутуунун негиздерин бекемдөө» долбоорлорунун алкагында Кыргызстанда кыска мөөнөттүү 500 бала бакча жана 60 өнүктүрүү борбору түзүлөт. Алар аркылуу 3-5 жаштагы 40 миңдей бала мектепке чейин билим алууга тартылат.

 

Бөлүшүңүз