• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Мектепке чейинки билим берүү башкармалыгы (МЧБББ)(39)
• Мектептик билим берүү башкармалыгы (МБББ)(107)
• Башталгыч кесиптик билим берүү башкармалыгы (БКБББ)(223)
• Бюджеттик саясат, финансылык талдоо жана инфраструктура башкармалыгы (БСФТИБ)(3)
• Бухгалтердик эсеп жана отчеттуулук бөлүмү (БЭОБ)(0)
• Тарбиялоо жана мектептен тышкаркы билим берүү бөлүмү (ТМТБББ)(8)
• Аккредитациялоо жана лицензиялоо бөлүмү (АЛБ)(33)
• Санариптик трансформация бөлүмү (СТБ)(3)
• Укуктук камсыз кылуу бөлүмү (УККБ)(4)
• Адам ресурстарын башкаруу бөлүмү (АРББ)(46)
• Мониторинг, стратегиялык пландоо жана мамлекеттик программаларды талдоо бөлүмү (МСПМПТБ)(3)
• Эл аралык кызматташтык жана инвестициялар бөлүмү (ЭАКИБ)(79)
• Документтик камсыз кылуу жана контролдоо бөлүмү (ДКККБ)(3)
• Маалыматтык саясат сектору (МСС)(3556)
• Инфраструктура жана мамлекеттик сатып алуулар башкармалыгы(5)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Билим берүүнүн сапатын өнүктүрүү департаменти(21)
• Көз карандысыз сертификациялоо жана валидациялоо борбору(25)
• Республиканский научно-методический центр(66)
• Республикалык дене тарбия, спорт жана маданият боюнча усулдук борбору(97)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Алтын түйүн» улуттук балдар инженердик-техникалык академиясы(0)
• "Балажан" республикалык эстетикалык тарбия берүү окуу-усулдук борбору(0)
• «Сейтек» балдар жана өспүрүмдөр улуттук борбору(0)
• «Кут билим» медиа борбору(0)
• Аймактар ​​аралык психологиялык, медициналык жана педагогикалык консультация(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Билим берүүдөгү долбоордук демилгелер лабораториясы(1)
• Дүйнөлүк банктын долбоорлорун ишке ашыруу бөлүмү(115)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(92)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)

Кластердик мектептер STEM жабдууларын колдонуу тажрыйбасын талкуулашты

Көрүлдү: 0

Кластердик мектептердин өкүлдөрүнүн катышуусунда онлайн жолугушуу өтүп, анда мугалимдер мектептерге буга чейин берилген заманбап окуу-лабораториялык жабдууларды STEM багытындагы сабактарда колдонуу тажрыйбасы менен бөлүшүштү.

Жолугушууга Кыргызстандын бардык аймактарынан 180ден ашык кластердик мектептин өкүлдөрү катышты.

Эске салсак, 2026-жылдын башында 220 кластердик мектепке STEM сабактарында практикалык жана лабораториялык иштерди өткөрүүгө арналган заманбап лабораториялык жабдуулар, ошондой эле интерактивдүү панелдер жана ноутбуктар берилген. Ар бир мектеп 25тен жабдуу комплектин алган. Жалпысынан мектептерге 5 500 комплект жабдуу өткөрүлүп берилген.

Онлайн жолугушуунун жүрүшүндө мугалимдер жабдууларды сабактарда кандай колдонуп жатышканын, кандай практикалык жана лабораториялык иштерди өткөрүп жатканын айтып, аларды колдонуу учурунда жаралган суроолор жана көйгөйлөр тууралуу ой бөлүштү. Ошондой эле педагогдор жаңы форматтагы сабактардын окуучуларга тийгизген таасири боюнча байкоолору менен бөлүшүштү.

Мугалимдер көп белгилеген жыйынтыктардын бири – окуучулардын табигый илимдерге жана STEM предметтерине болгон кызыгуусунун жогорулашы. Педагогдордун айтымында, окуучулардын өз алдынча эксперимент жүргүзүп, өлчөөчү приборлор менен иштеп, жыйынтыктарды байкап жана алынган маалыматтарды талдай алышы сабактарды практикага көбүрөөк багыттап, окуучулардын кызыгуусун арттырууда.

Жолугушууда мугалимдер долбоордун адистерине суроолорун берип, жабдууларды колдонууда кездешип жаткан практикалык маселелерди талкуулоого да мүмкүнчүлүк алышты.

Жолугушуунун жыйынтыгында долбоордун өкүлдөрү окуу-лабораториялык жабдууларды колдонуу боюнча усулдук колдонмо иштелип жатканын маалымдашты. Аны даярдоого жана мектептердин шарттарына ылайыкташтырууга STEM предметтеринин 80ге жакын мугалими катышууда. Колдонмону даярдоодо педагогдордун практикалык тажрыйбасы жана мектептерде жабдууларды колдонууда жаралган суроолор эске алынууда.

Колдонмо даяр болгондон кийин бардык 220 кластердик мектепке берилет. Ал мугалимдерге лабораториялык, практикалык жана изилдөө иштерин өткөрүүдө жабдууларды натыйжалуу пайдаланууга жардам берет.

Кийинки этапта заманбап STEM жабдуулары 53 инновациялык мектепке да берилет. Бул мектептер билим берүүдөгү жаңы ыкмаларды киргизүү жана ийгиликтүү педагогикалык тажрыйбаларды жайылтуу үчүн аянтча катары иш алып барууда.

Ошентип, кеп мектептерге жаңы жабдууларды берүү менен гана чектелбестен, аларды окуу процессинде натыйжалуу пайдалануу тажрыйбасын калыптандыруу жөнүндө да болуп жатат. Мугалимдердин тажрыйба алмашуусу жана усулдук материалдардын даярдалышы жабдуулардын мүмкүнчүлүктөрүн окуучулардын практикалык, изилдөөчүлүк жана санариптик көндүмдөрүн өнүктүрүү үчүн кеңири колдонууга шарт түзөт.

Бөлүшүңүз