• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Мектепке чейинки билим берүү башкармалыгы(39)
• Мектептеги билим берүү башкармалыгы(106)
• Башталгыч кесиптик билим берүү башкармалыгы(208)
• Инфраструктура жана мамлекеттик сатып алуулар башкармалыгы(5)
• Бюджеттик саясат жана финансылык анализ башкармалыгы(3)
• Бухгалтердик эсеп жана отчёттуулук бөлүмү(0)
• Тарбиялоо жана мектептен тышкаркы билим берүү бөлүмү(8)
• Аккредитациялоо жана лицензиялоо бөлүмү(29)
• Санариптик трансформация бөлүмү(3)
• Укуктук камсыз кылуу бөлүмү(4)
• Адам ресурстарын башкаруу бөлүмү(47)
• Мониторинг, стратегиялык пландоо жана мамлекеттик программаларды талдоо бөлүмү(3)
• Документтик камсыз кылуу жана контролдоо бөлүмү(3)
• Эл аралык кызматташтык сектору(79)
• Маалыматтык саясат сектору(3055)
• Илим жана инновациялар башкармалыгы(71)
• Жогорку, орто кесиптик жана жогорку окуу жайдан кийинки билим берүү башкармалыгы(28)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Билим берүүнүн сапатын өнүктүрүү департаменти(21)
• Көз карандысыз сертификациялоо жана валидациялоо борбору(25)
• Республиканский научно-методический центр(66)
• Республикалык дене тарбия, спорт жана маданият боюнча усулдук борбору(97)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Алтын түйүн» улуттук балдар инженердик-техникалык академиясы(0)
• "Балажан" республикалык эстетикалык тарбия берүү окуу-усулдук борбору(0)
• «Сейтек» балдар жана өспүрүмдөр улуттук борбору(0)
• «Кут билим» медиа борбору(0)
• Аймактар ​​аралык психологиялык, медициналык жана педагогикалык консультация(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Билим берүүдөгү долбоордук демилгелер лабораториясы(1)
• Дүйнөлүк банктын долбоорлорун ишке ашыруу бөлүмү(115)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(25)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)

А. МАХМЕТКУЛОВ КЫТАЙДЫН ИЛИМ ЖАНА ТЕХНОЛОГИЯ МИНИСТРИНИН ОРУН БАСАРЫ МЕНЕН ЖОЛУКТУ

Көрүлдү: 844

Шанхай кызматташтык уюмунун (ШКУ) алкагындагы иш-чаралардын жүрүшүндө Кыргыз Республикасынын агартуу министринин орун басары Альберт Махметкулов Кытай Эл Республикасынын Илим жана технологиялар министринин орун басары Чэн Цзячан менен жолугушту.

Жолугушууда тараптар эки тараптуу кызматташтыктын артыкчылыктуу багыттарын жана илим, технология жаатындагы өз ара аракеттенүүнү мындан ары тереңдетүү мүмкүнчүлүктөрүн талкуулашты. Чэн Цзячан  ШКУнун жана илим-технология боюнча биргелешкен комиссиянын алкагында кызматташууну өнүктүрүүгө кызыкдар экенин билдирип, бул багытта чөлкөмдүк өз ара аракеттенүү потенциалы чоң экенин белгиледи.

А. Махметкулов Кытай менен илим, технология жаатындагы кызматташууну Кыргызстандын тышкы саясаты менен билим берүү саясатынын маанилүү багыттарынын бири катары баалай турганын билдирди.

“Биз Кытайдын илимий изилдөөлөр, технологиялык инновациялар жана санариптик трансформация жаатындагы жетишкендиктерин жогору баалайбыз. Бул тармактарда Кыргызстан менен Кытайдын ортосунда жемиштүү кызматташууга кеңири мүмкүнчүлүктөр бар деп ишенебиз”, – деди А. Махметкулов.

Жолугушуунун соңунда тараптар бүгүнкү диалогдун жыйынтыктары жаңы келишимдерге, академиялык алмашууларга жана практикалык демилгелерге негиз болоруна ишеним артып, бул кызматташтык эки элдин ортосундагы достук мамилелерди, илим жана технология багытындагы өнөктөштүктү чыңдоого өбөлгө түзөрүн белгилешти.

Маалымат үчүн:
Азыркы учурда Кыргызстан менен Кытайдын ортосунда төмөнкүдөй демилгелер жана долбоорлор ишке ашырылууда:

2023-жылдын май айында кол коюлган Илимий-техникалык кызматташтык боюнча биргелешкен комиссия түзүү тууралуу протокол;

Жогорку окуу жайларынын ортосундагы ондогон келишимдер жана академиялык алмашуулар;

Биргелешкен билим берүү долбоорлору – Конфуций институттары, кош дипломдуу программалар, «Lu Ban Workshop» устаканалары;

Приоритеттүү тармактарда кадрларды даярдоо: шамал энергиясы, санариптик инженерия, автоматташтыруу ж.б.;

Стипендия боюнча практикалык кызматташтык:

СУАР өкмөтү тарабынан берилген 25 грант;

2024 – 2025-окуу жылына карата 100 квота;

Цзинань шаарындагы университеттерде Кыргыз Республикасынын жарандарына 200 орун.

Бул аракеттер жогорку квалификациялуу адистерди даярдоого гана эмес, эки өлкөнүн элдеринин ортосундагы гуманитардык жана маданий байланышты чыңдоого да салым кошот.

Бөлүшүңүз