• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Мектепке чейинки билим берүү башкармалыгы(39)
• Мектептеги билим берүү башкармалыгы(106)
• Башталгыч кесиптик билим берүү башкармалыгы(208)
• Инфраструктура жана мамлекеттик сатып алуулар башкармалыгы(5)
• Бюджеттик саясат жана финансылык анализ башкармалыгы(3)
• Бухгалтердик эсеп жана отчёттуулук бөлүмү(0)
• Тарбиялоо жана мектептен тышкаркы билим берүү бөлүмү(8)
• Аккредитациялоо жана лицензиялоо бөлүмү(29)
• Санариптик трансформация бөлүмү(3)
• Укуктук камсыз кылуу бөлүмү(4)
• Адам ресурстарын башкаруу бөлүмү(47)
• Мониторинг, стратегиялык пландоо жана мамлекеттик программаларды талдоо бөлүмү(3)
• Документтик камсыз кылуу жана контролдоо бөлүмү(3)
• Эл аралык кызматташтык сектору(79)
• Маалыматтык саясат сектору(3055)
• Илим жана инновациялар башкармалыгы(71)
• Жогорку, орто кесиптик жана жогорку окуу жайдан кийинки билим берүү башкармалыгы(28)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Билим берүүнүн сапатын өнүктүрүү департаменти(21)
• Көз карандысыз сертификациялоо жана валидациялоо борбору(25)
• Республиканский научно-методический центр(66)
• Республикалык дене тарбия, спорт жана маданият боюнча усулдук борбору(97)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Алтын түйүн» улуттук балдар инженердик-техникалык академиясы(0)
• "Балажан" республикалык эстетикалык тарбия берүү окуу-усулдук борбору(0)
• «Сейтек» балдар жана өспүрүмдөр улуттук борбору(0)
• «Кут билим» медиа борбору(0)
• Аймактар ​​аралык психологиялык, медициналык жана педагогикалык консультация(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Билим берүүдөгү долбоордук демилгелер лабораториясы(1)
• Дүйнөлүк банктын долбоорлорун ишке ашыруу бөлүмү(115)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(25)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)

АГАРТУУ МИНИСТРИ Д. КЕНДИРБАЕВА СОКУЛУК РАЙОНУНУН ЖАШООЧУЛАРЫ МЕНЕН ЖОЛУГУШТУ

Көрүлдү: 480

Бүгүн, 16-майда, Кыргыз Республикасынын агартуу министри Догдуркүл Кендирбаева Чүй облусунун Сокулук районунун жашоочулары менен жолугушту. Иш-чарага Жогорку Кеңештин депутаттары Винера Раимбачаева, Аманкан Кенжебаев, Сокулук райондук мамлекеттик администрациясынын башчысы Илияз Ташкулов, Сокулук райондук билим берүү бөлүмүнүн башчысы Турум Сатарбаева, Юнисефтин Кыргызстандагы өкүлү Самман Джунг Тапа, Сокулук районундагы мектеп директорлору жана алардын окуу-тарбия иштери боюнча орун басарлары, мектепке чейинки били берүү уюмдарынын жетекчилери, жергиликтүү кеңештин депутаттары жана райондун активисттери катышты.

Эл менен жолугушууда министр билим берүүнү трансформациялоого багытталган “Алтын Казык” программасынын артыкчылыктары, мугалимдерге арналган санариптик платформалар тууралуу кенен маалымат берди. 

“Кыргызстандын балдарынын сапаттуу билим алуусу үчүн иштеп жатабыз. Дүйнөлүк билим берүүдөн артта калбайлы деп жаңы мамлекеттик стандарттарды иштеп чыктык”, – деди Д. Кендирбаева. 

Министр мугалимдердин отчёттору кыскартылып, керектүү отчёттор мындан ары автоматтык түрдө электрондук формада алынып турарын баса белгилеп, мектеп директорлорун жана мугалимдерди балдарга сапаттуу билим берүүгө жана чыгармачылык менен иштөөгө чакырды. 

“12 жылдык билим берүүгө этап-этабы менен өтүү максатын койдук. Бул – өтө дымактуу кадам. Мугалимдердин түйшүгү чоң, ошентсе да мыкты иштеп жатканыңыздар үчүн рахмат”, – деди В. Раимбачаева. 

Ал эми депутат Аманкан Кенжебаев Сокулук районунда ички миграцияга байланыштуу мектептерде 3 мөөнөттөн окуп жаткандар көп экендигин жана мектепке кароолчуларды коюу зарылдыгын баса белгиледи. 

Жолугушууда Самман Джунг Таппа: “Ар бир бала үчүн стандарттарды карап, методологиябызды өзгөртсөк, ошондо натыйжа болот”, – деп билдирди. 

Иш-чаранын соңунда көп жылдык үзүрлүү эмгеги, билим берүү тармагына кошкон салымы, жаш муундарды окутуп, тарбиялоодогу жетишкендиктери үчүн бир нече мугалимге министрликтин ведомстволук сыйлыктары салтанаттуу түрдө тапшырылды.

Иш сапарынын алкагында Сокулук районундагы М. Суранчиев атындагы орто мектепке, Ак-Кашат орто мектебине жана Н. Жетикашкаева атындагы мектепке компьютердик техникалар берилди.

Бөлүшүңүз