• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(28)
• Башталгыч кесиптик билим берүү башкармалыгы(183)
• Мектептик, мектептен тышкаркы жана кошумча билим берүү башкармалыгы(100)
• Мектепке чейинки билим берүү башкармалыгы(36)
• Бюджеттик саясат жана финансылык анализ башкармалыгы(3)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(27)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2533)
• Эл аралык кызматташтык бөлүмү(73)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(47)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(13)
• Педагогикалык кызматкерлердин квалификациясын жогорулатуу жана кайра даярдоо республикалык институту(60)
• Республикалык дене тарбия, спорт жана маданият боюнча усулдук борбору(92)
• Республиканский научно-методический центр(66)
• “Санарип билим берүү борбору” мамлекеттик мекемеси(2)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(101)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(7)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

БИЛИМ БЕРҮҮ ЖАНА ИЛИМ МИНИСТРЛИГИ БИЛДИРЕТ

Көрүлдү: 341

Чаткал райондук билим берүү бөлүмүнүн билдирүүсү боюнча Жалал-Абад облусунун Ала-Бука районунун тургуну Г. Камалдинова Жалал-Абад облусунун Чаткал районуна караштуу Кызыл-Токой айылындагы жеке менчик объектти ижарага алып, “Грация 2” бий ийримин уюштурган. Ийримге Кызыл-Токой айылында жайгашкан Б. Камчыбеков атындагы орто мектептен 35 окуучу кыз катышып келген.

Ийримдин жетекчиси 2025-жылдын 29-мартында Бишкек шаарында боло турган бий конкурсуна катыштыруу максатында “Грация 2” бий ийримине катышкан кыздардын арасынан 17 кызды (анын ичинен 14 кыз – Б. Камчыбеков атындагы орто мектептин окуучулары) тандап алып, алардын ата-энелери менен алдын ала макулдашкан. Г. Камалдинова ата-энелерге 29-30-март дем алыш күндөрү болгондуктан, окуучулар сабактан калбай, ошол эле түнү кайтып келишерин айткан. Бирок ал 14 окуучуну Бишкекте боло турган бий конкурсуна катыштыруу үчүн алып бара жатканын Б. Камчыбеков атындагы орто мектептин администрациясына да, Чаткал райондук билим берүү бөлүмүнө да, башка тиешелүү мамлекеттик органдарга да билдирген эмес.  

Ошентип, ийримдин жетекчиси өзүнүн жеке демилгеси жана ата-энелердин макулдугу менен 2025-жылдын 29-мартында саат 07:00 чамасында Чаткалдан Бишкекке карай сапар тарткан. Алар жалдаган “Мерседес-Бенц” маркасындагы спринтерде айдоочудан тышкары ийримдин жетекчиси, бир ата-эне жана 17 окуучу кыз болгон. Тилекке каршы, кечки саат 16.30дар чамасында автоунаа жол кырсыгына кабылган: Төө-Ашуудан ылдый түшүп келе жатканда жолдун оң капталындагы тоодон кулаган таш автоунаанын арткы бурчуна тийип, анын кесепетинен 4-класстын окуучусу каза болгон.

Белгилей кетсек, окуучулардын катышуусу менен өткөрүлүүчү маданий-массалык иш-чаралар Кыргыз Республикасынын Министрлер Кабинетинин 2024-жылдын 27-августундагы № 520 токтому менен бекитилген “Окуучулардын катышуусу менен маданий-массалык иш-чараларды өткөрүүнүн тартибине жана алардын коопсуздугун камсыз кылуу боюнча талаптарга” ылайык уюштурулуп, өткөрүлүүгө тийиш. Эгерде иш-чара өтүүчү жер башка жерде жайгашса жана окуучулар автомобиль транспорту менен жеткирилсе, жол жүрүү учурундагы жеткирүү жоопкерчилиги уюштуруучуларга жүктөлөт.

Бөлүшүңүз