• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(163)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2341)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(56)
• Республикалык дене тарбия, спорт жана маданият боюнча усулдук борбору(82)
• Республиканский научно-методический центр(66)
• “Санарип билим берүү борбору” мамлекеттик мекемеси(2)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

БИШКЕКТЕ ПЕДАГОГИКАЛЫК БИЛИМ БЕРҮҮНҮ РЕФОРМАЛОО МАСЕЛЕСИНЕ АРНАЛГАН ТЕГЕРЕК СТОЛ ӨТТҮ

Көрүлдү: 174

2024-жылдын 19-декабрында И. Арабаев атындагы Кыргыз мамлекеттик университетинде Кыргыз Республикасында мектептик билим берүүнү трансформациялоо жана 12 жылдык билим берүү системасына өтүү шарттарында жогорку педагогикалык билим берүүнү реформалоо маселелерине арналган тегерек стол болуп өттү.

Ага билим берүү жана илим министри Догдуркүл Кендирбаева, министрдин орун басарлары: Абазбек уулу Расул, Надира Джусупбекова, министрликтин өкүлдөрү, Кыргызстандагы педагогикалык ЖОЖдордун ректорлору, окутуучулары, мектептердин директорлору жана билим берүүнү трансформациялоо жаатындагы эксперттер катышты. 

Тегерек столдун максаты Кыргызстандын 12 жылдык жалпы орто билим берүүгө өтүү концепциясын жана анын педагогдорду даярдоого тийгизген таасирин талкуулоо,  Мамлекеттик билим берүү стандартын, мугалимдердин кесиптик стандарттарын жана педагогикалык ЖОЖдордун билим берүү программаларын реформалоо зарылдыгын кароо болуп саналат.

Иш-чарада министр Д. Кендирбаева өлкө башчысы Билим берүү жана илим министрлигине Кыргызстандагы адам капиталын, адам ресурсун өнүктүрүүнү жогорку сапатка көтөрүү боюнча чоң талап койгонун айтып, аны ишке ашыруу максатында билим берүү системасын трансформациялоого багытталган “Алтын Казык” программасы сунушталганын белгиледи. 

“Өзөктүү маселе катары мектептеги, мектепке чейинки уюмдагы жана жогорку окуу жайдагы бүтүндөй педагогикалык адистерди даярдоо боюнча жоопкерчиликти жогорулатуу иштери аныкталган. Бүгүн жогорку окуу жайларынын ректорлорун чакырып,  эң алдыңкы технологиялардын негизинде Мамлекеттик билим берүү стандартын жана предметтик стандарттарды иштеп чыгалы, аларга шайкеш келген окуу китептерин басып чыгаралы деп жатабыз”, – деди министр. 

Ош мамлекеттик университетинин ректору Кудайберди Кожобеков бул иш-чаранын эң негизги өзгөчөлүгү мектептердин жана педагогикалык кадрларды даярдаган окуу жайларынын өкүлдөрү катышып жаткандыгында экенин айтып, буларга токтолду: “Мектептерге сабак берген мугалимдерди даярдаган жогорку окуу жайларында дагы чоң жоопкерчилик бар. 12 жылдык билим берүүдө жогорку окуу жайларында дагы окуу мөөнөттөрүн кыскартууга мүмкүнчүлүк түзүлөт. Мурун бизде мектеп менен жогорку окуу жайынын ортосунда талкуу аз болуп, көйгөй жаралчу. Көп учурда биз мектептен жакшы окуучулар келбей жатат десек, мектептеги мугалимдер жогорку окуу жайдан мыкты студенттер чыкпай жатат деген шылтоо менен жүрчүбүз. Бүгүнкү иш-чара келечекте сапаттуу педагогикалык кадрларды даярдоого шарт түздү. Мектеп менен ЖОЖдун каалоосу бирдей болгондо гана биз сапаттуу мугалимди даярдай алабыз”.

Иш-чарада мектептик билим берүүнү трансформациялоо шарттарында педагогдорго коюлуучу заманбап талаптарды эске алуу менен аларды даярдоонун сапатын жогорулатуу боюнча жол картасынын долбоорун иштеп чыгуу тууралуу да сөз болду.

Бөлүшүңүз