• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

БИЛИМ БЕРҮҮГӨ БӨЛҮНГӨН БЮДЖЕТ ИЧКИ ДҮҢ ПРОДУКЦИЯНЫН 5,2%ЫН ТҮЗӨТ

Көрүлдү: 377

Министрлер Кабинетинин Төрагасы-Кыргыз Республикасынын Президентинин Администрациясынын Жетекчиси Акылбек Жапаров билим берүү мамлекеттин бүгүнкүсү да, келечеги да курулган пайдубал экенин баса белгиледи.

Ал эми ушуга байланыштуу мамлекет билим берүү тармагын реформалоо жана анын бардык звенолорун жаңылоо боюнча чараларды көрүп жатат. Билим берүүнүн материалдык-техникалык базасын чыңдоого өзгөчө көңүл бурулууда.
 
2010-жылы мамлекет тарабынан 15 мектеп курулса, 2023-жылы 105 мектеп курулган. Бул убакыттын ичинде балдардын саны дээрлик жарым миллионго көбөйдү.
 
«2024-жылы биринчи жолу бюджеттен каржылануучу курулуш жана капиталдык оңдоо объектилеринин тизмесине дээрлик 1,5 млрд сомдук 431 билим берүү объектиси кирди. Бул объектилердин саны 2022-жылга караганда эки эсе көп. Эгемендүүлүк алганга чейинки курулуштун көлөмүнө биринчи жолу жеттик. Ошондой эле республикадагы мектептердин учурдагы ремонтуна биринчи жолу дээрлик 400 миллион сом бөлүнгөн, бул өткөн жылдарга салыштырмалуу төрт эсеге көп. Жалпысынан 15 жылдын ичинде билим берүүгө бөлүнгөн бюджет жылына 12 миллиард сомдон 65 миллиард сомго чейин өстү, бул ички дүң продукциянын 5,2%ын түзөт», - деди ал.
 
Өлкөнүн алыскы аймактарында жайгашкан мектептерди жогорку квалификациялуу мугалимдер менен камсыздоонун актуалдуу маселелерине токтолгон Акылбек Жапаров мектеп автобустарын уюштуруу практикасы киргизиле турганын белгиледи.

Министрлер Кабинетинин Төрагасы Акылбек Жапаров өлкөнүн алыскы аймактарындагы билим берүү мекемелерине 50 мектеп автобустарын тапшыруу аземине катышты.

 
Автобустар «Евразия» эл аралык кызматташтыкты өнүктүрүүгө көмөктөшүү коммерциялык эмес автономдуу уюму тарабынан берилген.

Салтанатта Россия Федерациясынын Мамлекеттик Думасынын Төрагасынын орун басары Борис Чернышов, ошондой эле Россия Федерациясынын Мамлекеттик Думасынын депутаты – «Евразия» АКУ Кеңешинин Төрайымы Алена Аршинова куттуктоо сөзүн сүйлөштү.

 
«Кыргызстан менен Россиянын ортосунда эчактан бери бекем өнөктөштүк бар жана биз россиялык кесиптештерибиздин өлкөбүздүн билим берүү тармагын өнүктүрүүгө кошкон салымын жогору баалайбыз. Бул билим берүү тармагында гана эмес. Кыргыз-орус өнүктүрүү фонду ийгиликтүү иштеп жатат. Биргелешкен долбоорлор, тажрыйба алмашуу, колдоо жана кызматташуу – мунун баары биздин байланыштарды бекемдеп, алдыга жылууга өбөлгө түзөт», — деди Акылбек Жапаров.

 

Маалымат булагы: https://www.gov.kg/ky/post/s/24497-minkab-bascysy-akylbek-zaparov-olkonun-alysky-aimaktaryna-mektep-avtobustaryn-tapsyruuga-katysty

Бөлүшүңүз