Көрүлдү: 1757
Бүгүн, 22-июлда жогорку окуу жайларына абитуриенттерди тандоонун 2-туруна арыздарды кабыл алуу башталды. Арыздарды кабыл алуу 24-июль саат 14:00гө чейин жүргүзүлөт.
ЖОЖдорго кабыл алуунун I турунда жалпысынан 30 миң 246 талон катталып, анын ичинен бюджеттик негизде окууга 11 миң 334, контрактык негизде окууга 18 миң 912 талон түшкөн.
I турдун жыйынтыгы менен 14 миң 271 абитурент кабыл алынды.
Биринчи турда эң көп абитуриент кабыл алган ЖОЖдор:
1. Ж.Баласагын атындагы Кыргыз улуттук университети – 2462,
2. Ош мамлекеттик университети – 2019,
3. И.Раззаков атындагы Кыргыз мамлекеттик техникалык университети – 1799,
4. Б.Ельцин атындагы Кыргыз-Россия Славян университети – 1116,
5. И.Арабаев атындагы Кыргыз мамлекеттик университети – 945,
6. К.Карасаев атындагы Бишкек мамлекеттик университети – 920,
7. И.Ахунбаев атындагы Кыргыз мамлекеттик медициналык академиясы – 614,
8. “Ала-Тоо” Эл аралык университети – 582,
9. К.Скрябин атындагы Кыргыз улуттук агрардык университети – 388,
10. М. Рыскулбеков атындагы Кыргыз экономикалык университети – 280.
Эскерте кетсек, 2024-2025-окуу жылына карата жогорку окуу жайларына тандоо “Абитуриент онлайн” https://2020.edu.gov.kg/vuz автоматташтырылган маалыматтык системасы аркылуу V тур менен жүргүзүлөт. Кабыл алуу графиктери менен таанышуу үчүн – https://edu.gov.kg/posts/3197/