• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

ПРЕЗИДЕНТ САДЫР ЖАПАРОВДУН ИЛИМ КҮНҮНӨ КАРАТА КУТТУКТООСУ

Көрүлдү: 629

Кыргыз Республикасынын Президенти Садыр Жапаров бүгүн, 10-ноябрда, окумуштуулар менен илим ишмерлерин кесиптик майрамы – Илим күнү менен куттуктады.

Мамлекет башчысынын куттуктоосунун тексти:

Урматтуу окумуштуулар жана илим ишмерлери!

Сиздерди Илим күнү менен чын дилимден куттуктаймын! Илимдин өнүгүү деңгээли – коомдун өнүгүшүнүн негизги көрсөткүчтөрүнүн бири. Айрыкча, бүгүнкү күндө өлкө экономикасынын өнүгүшүндө илим тармагынын орду жана ролу чоң.  

Учурда мамлекетибиздин атаандаштыкка жөндөмдүү болуусу, өнүгүүгө багыт алуусу үчүн илимге басым жасоо аракети көрүлүп келет.  Ушундан улам, үстүбүздөгү жылдын август айында “Илим жөнүндө” жаңы мыйзам кабыл алынган. Ага ылайык, илим жаатында реалдуу реформа жүргүзүү милдети коюлуп, илимий жана илимий-техникалык уюмдардын өнүгүшү жана иштеши үчүн зарыл шарттарды түзүү, ошондой эле аларды оптималдаштыруу маселелери каралган. Ошону менен бирге илимдин ролун жогорулатууга жана илимий-техникалык, илимий-инновациялык ишмердүүлүктү жандандырууга, илимий чыгармачылыкты, илимий жана илимий-техникалык кызматкерлердин иштөө туруктуулугун камсыз кылууга басым жасоо жагы белгиленген. 

Илимдин кадыр-баркын арттырып, илимий кадрларды күчтөөнү камсыздап, жогорку окуу жайларыбыздын эл аралык аброюн жогорулатууга мамлекет тарабынан да, коомчулук тарабынан да ар тараптуу көмөк көрсөтүү зарыл. 

Бүгүнкү күндө Кыргызстандын окумуштууларынын илимий иштеринин жыйынтыктары менен натыйжалары иш жүзүндө колдонулууга тийиш. Илимди жана билим берүүнү интеграциялоону колдоодо өлкөбүздүн Билим берүү жана илим министрлиги жана Улуттук илимдер академиясы тарабынан иштелип чыгуучу жана ишке ашырылуучу ченемдик укуктук актылардын артыкчылыгы болушу керек.  

Өлкөбүз илимий жетишкендиктерден куру эмес экенин белгилей кетким келет. Бул, албетте, биздин таланттуу, илимге берилген, жигердүү жарандык позициясы бар илимпоздорубуздун тынымсыз эмгегинин жыйынтыгы. Биздин окумуштууларыбыздын ишмердүүлүгүнүн жардамы менен өлкөбүздө медицина, энергетика, экология жана фундаменталдуу изилдөөлөр жаатында жакшы көрсөткүчтөргө жетишилди. 

Урматтуу илим тармагынын өкүлдөрү! 

Биз сиздер менен сыймыктанабыз. Сиздердин үзүрлүү эмгегиңиздердин жыйынтыгы өлкөнүн интеллектуалдык базасын толуктап, экономикабыздын өнүгүшүнө олуттуу салым кошо берерине бекем ишенебиз. Кыргызстандын өнүгүшүнө олуттуу салым кошо турган илимий ачылыштарды, албан-албан жетишкендиктерди жаратууңуздарга тилектешмин. 

Сиздерге чың ден соолук, бакубат турмуш каалайм. Кесиптик майрамыңыздар менен дагы бир жолу куттуктайм.

 

https://president.kg/news/all/24749

Бөлүшүңүз