• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

ПРЕЗИДЕНТ САДЫР ЖАПАРОВ МЕНЕН РОССИЯНЫН ПРЕЗИДЕНТИ ВЛАДИМИР ПУТИН 9 КЫРГЫЗ-ОРУС МЕКТЕБИНИН КУРУЛУШУНА СТАРТ БЕРДИ

Көрүлдү: 576

Бүгүн, 1-сентябрда, Кыргыз Республикасынын Президенти Садыр Жапаров менен Россия Федерациясынын Президенти Владимир Путин видеобайланыш форматында Кыргызстандагы алгачкы биргелешкен кыргыз-орус үч мектептин курулушуна старт берди.

Долбоорго ылайык, эң алдыңкы технологиялар менен жабдылган тогуз заманбап билим берүү мекемеси өлкөнүн бардык облустарында, ошондой эле Бишкек жана Ош шаарларында курулат. 

Бишкек, Баткен жана Караколдогу алгачкы үч мектепти 2025-жылдын сентябрында пайдаланууга берүү пландалууда. 

Ишке киргизүү аземин ачып жатып, Садыр Жапаров 2025-жылдын 1-сентябрына карата бул мектептер кыргызстандык окуучулар үчүн эшигин ачарын белгиледи.

“Бүгүн Кыргызстандын жана Россиянын бардык мектептери эшигин кенен ачып, окуучуларды кабыл алууда. Өлкөбүздө 150 миңден ашык окуучу мектеп босогосун биринчи жолу аттады. Өлкөбүздүн ар бир облусунда жана Бишкек, Ош шаарларында Владимир Владимировичтин жеке колдоосу менен ар бири 1224 орунга эсептелген 9 заманбап мектеп курула турганын кубанычтуу белгилеймин. Мектептер бардык зарыл нерселер менен камсыздалат, анын ичинде жогорку технологиялык жана заманбап жабдуулар, бассейндер, спорттук эс алуу жайлары”, - деди Садыр Жапаров.

Ошону менен катар, Президент бул мектептердин бүтүрүүчүлөрүнө эки өлкөнүн аттестаттары берилерин белгиледи. Жаңы мектептерде окуу орус тилинде жүргүзүлүп, окуу программасы эки өлкөнүн мамлекеттик стандарттарынын негизинде түзүлөт.

Мамлекет башчысы Россия менен билим берүү тармагындагы кызматташтык бекемдеп, жемиштүү болуп жатканына канааттануу менен көңүл бурду. 1992-жылдан тартып Кыргызстан менен Россия билим жана илим тармагында тыгыз кызматташып, өлкөлөр ортосунда студент алмашуу боюнча программаларын кеңири колдонуп келе жатышат.

Президент Садыр Жапаров биргелешкен кыргыз-орус мектептерин түзүү эки өлкөнүн жарандарынын жаркын келечеги үчүн узак мөөнөттүү чоң жаратман иштердин башталышы гана экендигине ишенимин билдирди.

Өз кезегинде Россиянын Президенти Владимир Путин мектептер эң алдыңкы технологиялар менен жабдыларын, бул окуу процессин ыңгайлуу кылып, кызыктуу өткөрүүгө жардам берерин баса белгиледи. Мектеп имараты бардык коопсуздук стандарттарына ылайык, анын ичинде өлкөнүн өзгөчөлүгүн жана сейсмикалык тобокелдиктерди эске алуу менен долбоорлонгон. Сабактарды Россиянын жогорку окуу жайларында атайын окуудан өткөн эки өлкөнүн мугалимдери берет. 

Владимир Путин жаңы орус мектептери өсүп келе жаткан муундарды ар тараптуу тарбиялоого жана билим берүүгө, ошондой эле эки мамлекеттин элдеринин достук жана өз ара түшүнүшүү салттарын тереңдетүүгө салым кошоруна ишенимин билдирди.

Өлкө лидерлери Кыргызстанда орус тилине болгон кызыгуу өсүп жатканын белгилешип, эки өлкөнүн бардык окуучуларын, алардын ата-энелерин жана мугалимдерин Билим күнү менен куттукташты.

https://president.kg/news/all/24526

Бөлүшүңүз