• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

МЕКТЕПТЕРДЕ МЫЙЗАМСЫЗ АКЧА ЧОГУЛТУУ ҮЧҮН АЙЫП ПУЛ САЛУУ ЖӨНҮНДӨ МЫЙЗАМ ДОЛБООРУ КООМДУК ТАЛКУУГА КОЮЛДУ

Көрүлдү: 2368

Кыргыз Республикасынын айрым мыйзам актыларына (“Билим берүү жөнүндө” Кыргыз Республикасынын Мыйзамына, Кыргыз Республикасынын укук бузуулар жөнүндө кодексине) өзгөртүүлөрдү киргизүү тууралуу” Кыргыз Республикасынын Мыйзамынын долбоору коомдук талкууга коюлду.

Өзгөртүүлөргө айып пул салуу кирет:

- жалпыга жеткиликтүү жана акысыз билим алуу укугун бузуу же чектөө,

- Мектепке чейинки билим берүү уюмдарына электрондук кезек системасына келгенден кийин баланы мектепке чейинки билим берүү уюмуна кабыл алуудан негизсиз баш тартуу,

- Мектеп жашына жеткен 6-7 жаштагы баланы мектепке электрондук каттоо системасында биринчи класска кабыл алууга келгенден кийин жалпы билим берүү уюмуна кабыл алуудан негизсиз баш тартуу,

- Жалпы билим берүү уюмдардын жетекчилери жана педагогдору тарабынан, анын ичинде коомдук фонддор жана коммерциялык эмес уюмдар үчүн акча каражаттарын мыйзамсыз алуу же алар тарабынан окуп жаткандарга жана алардын ата-энелерине (аларды алмаштырган адамдарга) моралдык-психологиялык кысым көрсөтүү.

Мыйзам долбоору билим берүү уюмдарынын окуучуларынын укуктарын жана эркиндиктерин коргоо үчүн иштелип чыккан.

Долбоордун тексти жана талкуу үчүн формасы сайтта - http://koomtalkuu.gov.kg/ru/view-npa/2483

Талкуу 2023-жылдын 26-апрелине чейин жүргүзүлөт.

 

 

КЫРГЫЗ РЕСПУБЛИКАСЫНЫН МЫЙЗАМЫ 

Кыргыз Республикасынын айрым мыйзам актыларына

(Кыргыз Республикасынын «Билим берүү жөнүндө» Мыйзамына,

Кыргыз Республикасынын Укук бузуулар жөнүндө кодексине)

өзгөртүүлөрдү киргизүү тууралуу

1-берене

Кыргыз Республикасынын «Билим берүү жөнүндө» Мыйзамына (Кыргыз Республикасынын Жогорку Кеңешинин Жарчысы, 2003-ж., № 8, 323-ст.) төмөнкүдөй өзгөртүү киргизилсин:

27-беренесинин он экинчи абзацында «негизги жалпы» деген сөздөр «мектептеги» деген сөзгө алмаштырылсын.

2-берене

Кыргыз Республикасынын Укук бузуулар жөнүндө кодексине («Эркин-Тоо» газетасы, 2021-жылдын 16-ноябры, № 122-123) төмөнкүдөй өзгөртүүлөр киргизилсин:

1) V-бөлүмүнүн аталышына «саламаттык сактоо,» деген сөздөрдөн кийин «билим берүү» деген сөздөр менен толукталсын;

2) 15-главасынын аталышына «мурасты,» деген сөздөн кийин «билим берүүнү» деген сөздөр менен толукталсын;

Кодексте төмөнкүдөй мазмундагы 109-1, 109-2 жана 109-3-беренелер менен толукталсын:

 «109-1-берене. Билим алуу укугун жана Кыргыз Республикасынын билим берүү жөнүндө мыйзамдарында каралган билим берүү уюмдарында окуп жаткандардын укуктарын жана эркиндиктерин бузуу

Билим алуу укугун бузгандыгын же мыйзамсыз чектегендигин, ошондой эле Кыргыз Республикасынын билим берүү жөнүндө мыйзамдарында каралган билим берүү уюмдарында окуп жаткандардын укуктарын жана эркиндиктерин бузгандыгын же мыйзамсыз чектегендигин, же болбосо көрсөтүлгөн укуктарды жана эркиндиктерди ишке ашыруунун белгиленген тартибин бузгандыгын билдирген жалпыга жетимдүү жана акысыз билим алуу укугун бузуу же чектөө, -жеке жактарга, кызмат адамдарына 150 эсептик көрсөткүч, юридикалык жактарга 300 эсептик көрсөткүч өлчөмүндө айып пул салууга алып келет.

109-2-берене. Мектепке чейинки жана мектептеги билим берүү уюмдарында балдарды кабыл алуудан негизсиз баш тартуу

1. Мектепке чейинки билим берүү уюмдарына электрондук кезек системасына келгенден кийин баланы мектепке чейинки билим берүү уюмуна кабыл алуудан негизсиз баш тартуу, - жеке жактарга 175 эсептик көрсөткүч, кызмат адамдарына 200 эсептик көрсөткүч өлчөмүндө айып пул салууга алып келет.

2. Мектеп жашына жеткен 6-7 жаштагы баланы мектепке электрондук каттоо системасында биринчи класска кабыл алууга келгенден кийин жалпы билим берүү уюмуна кабыл алуудан негизсиз баш тартуу, -

жеке жактарга 150 эсептик көрсөткүч, кызмат адамдарына 200 эсептик көрсөткүч өлчөмүндө айып пул салууга алып келет.

109-3-берене. Жалпы билим берүү уюмдарында акча каражаттарын мыйзамсыз чогултуу

Жалпы билим берүү уюмдардын жетекчилери жана педагогдору тарабынан, анын ичинде коомдук фонддор жана коммерциялык эмес уюмдар үчүн акча каражаттарын мыйзамсыз алуу же алар тарабынан окуп жаткандарга жана алардын ата-энелерине (аларды алмаштырган адамдарга) моралдык-психологиялык кысым көрсөтүү, - жеке жактарга, кызмат адамдарына 200 эсептик көрсөткүч өлчөмүндө айып пул салууга алып келет.»;

4) 456-беренедеги «109,» деген сандардан кийин «109-1, 109-2, 109-3» деген сандар менен толукталсын.

 

3-берене

Ушул Мыйзам расмий жарыяланган күндөн тартып алты ай өткөндөн кийин күчүнө кирет.

Кыргыз Республикасынын Министрлер Кабинети алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.

 

Кыргыз Республикасынын

Президенти                                                                                      С.Н. Жапаров

 

 

Бөлүшүңүз