• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

ПРЕЗИДЕНТТИН ӨЛКӨНҮ ТУРУКТУУ ӨНҮКТҮРҮҮГӨ ИЛИМДИН САЛЫМЫН ЖОГОРУЛАТУУ БОЮНЧА ЖАРЛЫГЫ КҮЧҮНӨ КИРДИ

Көрүлдү: 1554

Кыргыз Республикасынын Президентинин 2023-жылдын 16-февралындагы ПЖ № 26 “Өлкөнү туруктуу өнүктүрүүгө илимдин салымын жогорулатуу боюнча чаралар жөнүндө” Жарлыгы 21-февралда күчүнө кирди.

Жогорку окуу жайларында илимди чыңдоо жана өнүктүрүү, изилдөө ишинин сапатын жакшыртуу жана илимий иштердин жыйынтыктарынын экономикалык натыйжалуулугун жогорулатуу максатында, мамлекеттик илимий мекемелерди тиешелүү штаттарын, материалдык-техникалык базасын, жанаша аймактарын жана колдонуудагы каржылоо булактарын сактоо менен мамлекеттик ЖОЖдордун карамагына өткөрүлүп берилет.

Жарлык ведомстволук таандыгына карабастан илимий-изилдөө мекемелеринин ишинин натыйжалуулугуна мониторинг жүргүзүүнү; илимий тармакты оптималдаштырууну; илимий-изилдөө мекемелеринин кадрдык потенциалын жана материалдык-техникалык базасын инвентаризациялоону; мамлекеттик, жеке жана башка заказдардын эсебинен мамлекеттик илимий мекемелердин иши үчүн шарттарды түзүүнү; илимий тармакты каржылоого багытталган мамлекеттик бюджеттин каражаттарынын үлүшүн негиздүү жогорулатууну карайт. 

 

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2023-жылдын 16-февралы ПЖ № 26

Өлкөнү туруктуу өнүктүрүүгө илимдин салымын жогорулатуу боюнча чаралар жөнүндө

Жогорку окуу жайларында илимди чыңдоо жана өнүктүрүү, изилдөө ишинин сапатын жакшыртуу жана илимий иштердин жыйынтыктарынын экономикалык натыйжалуулугун жогорулатуу максатында, Кыргыз Республикасынын Конституциясынын 66, 71-беренелерин жетекчиликке алып, токтом кылам:

 

1. Кыргыз Республикасынын Министрлер Кабинети:

- белгиленген тартипте төмөнкү мамлекеттик илимий мекемелерди тиешелүү штаттарын, материалдык-техникалык базасын,жанаша аймактарын жана колдонуудагы каржылоо булактарын сактоо менен өткөрүп берсин:

“Кыргыз Республикасынын Улуттук илимдер академиясынын Түштүк бөлүмүнүн гуманитардык жана региондук изилдөөлөр институту” мекемесин “Ош мамлекеттик университети” мекемесинин карамагына;

“Кыргыз Республикасынын Улуттук илимдер академиясынын академик Дж. Алышбаев атындагы экономика институту” мекемесин “Муса Рыскулбеков атындагы Кыргыз экономикалык университети” илимий-изилдөө университети” мекемесинин карамагына;

- Кыргыз Республикасынын Энергетика министрлигине караштуу Энергетика жана экономика илимий-изилдөө институтун анын экономикалык блогун “Муса Рыскулбеков атындагы Кыргыз экономикалык университети” илимий-изилдөө университети” мекемесинин карамагына өткөрүп берүү менен белгиленген тартипте кайра уюштурууну жүргүзсүн;

- Кыргыз Республикасынын Улуттук илимдер академиясынын илимий-изилдөө институттарын мамлекеттик жогорку окуу жайлары менен тиркемеге ылайык интеграцияласын;

- 2023-жылдын 1-ноябрына чейинки мөөнөттө интеграциянын жыйынтыгы боюнча Кыргыз Республикасынын Улуттук илимдер академиясынын айрым илимий-изилдөө институттарын мамлекеттик жогорку окуу жайларынын карамагына өткөрүп берүү маселеси боюнча негизделген сунуштарды киргизсин;

- ведомстволук таандыгына карабастан илимий-изилдөө мекемелеринин ишинин натыйжалуулугуна мониторинг жүргүзсүн;

-Жарлык күчүнө киргенден кийин эки айлык мөөнөттө илимий тармакты оптималдаштыруу боюнча жол картасын бекитсин;

- Кыргыз Республикасынын Улуттук илимдер академиясынын, жогорку окуу жайларынын илимий-изилдөө мекемелеринин жана тармактык илимий-изилдөө институттарынын кадрдык потенциалына жана материалдык-техникалык базасына инвентаризация жүргүзсүн, алардын ишинин натыйжалуулугун аныктасын;

- мамлекеттик, жеке жана башка заказдардын эсебинен мамлекеттик илимий мекемелердин иши үчүн шарттарды түзсүн;

- илимий тармакты каржылоого багытталган мамлекеттик бюджеттин каражаттарынын үлүшүн негиздүү жогорулатууну карасын;

- ушул Жарлыктан келип чыгуучу башка зарыл болгон чараларды көрсүн.

2. Бул Жарлыктын аткарылышын контролдоо Кыргыз Респуьликасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

3. Бул Жарлык расмий жарыяланган күндөн тартып күчүнө кирет.

“Эркин-Тоо” газетасынын 2023-жылдын 21-февралында № 13(3462) жарыяланды

 

Кыргыз Республикасынын            Президенти

С.Н. Жапаров

Мамлекеттик жогорку окуу жайларына бекитилип берилүүчү
Кыргыз Республикасынын Улуттук илимдер академиясынын
илимий-изилдөө институттарынын тизмеси

 

№	Илимий-изилдөө институтунун аталышы	Мамлекеттик жогорку окуу жайынын аталышы
1	Геомеханика жана жер казынасын өздөштүрүү институту	И. Раззаков атындагы Кыргыз мамлекеттик техникалык университети
2	Геология институту
3	Машина таануу жана автоматика институту
4	Жаратылыш ресурстары институту
5	Биология институту	К. Скрябин атындагы Кыргыз улуттук агрардык университети
6	Биотехнология институту
7	Математика институту	Ж. Баласагын атындагы Кыргыз улуттук университети
8	Академик Ж. Жеенбаев атындагы физика институту
9	Химия жана фитотехнология институту
10	Жалал-Абад илимий борбору	Б. Осмонов атындагы Жалал-Абад мамлекеттик университети
11	Тоо физиологиясы жана медицина институту	И. Ахунбаев атындагы Кыргыз мамлекеттик медициналык академиясы

 

 

 

Бөлүшүңүз