• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

НЕКРОЛОГ: АКЕШ ИМАНОВ

Көрүлдү: 924

Кыргыз Республикасынын билим берүү жана илим тармагы чоң жоготууга учурады. Кыргыз Республикасынын билим берүүсүнө эмгек сиңирген ишмер, филология илимдеринин доктору, профессор Акеш Иманов 2022-жылдын 20-декабрында дүйнө салды.

Акеш Иманов 1931-жылдын 27-августунда Ысык-Кѳл облусунун Жети-Ѳгүз районундагы Ак-Дѳбѳ айылында тѳрѳлгѳн.

Жалпы орто билимди Ак-Дѳбѳ, Аң-Ѳстѳн айылдарындагы жана Каракол шаарындагы Киров атындагы орто мектептерден алган.
1947-1948-окуу жылында Бишкек шаарындагы (мурунку Фрунзе шаары) пединституттун кыргыз филологиясы факультетине ѳтүп, аны 1952-жылдын июнь айында аяктаган. Ошол күндѳн азыркы мезгилге чейин билим берүү системасында эмгектенип келген.

Жогорку билим алгандын алгачкы 7 жылын Тажикстандын Мургаб, Кыргыз Республикасынын Жети-Ѳгүз райондорундагы жалпы билим берүүчү орто мектептердин VIII-X класстарында кыргыз тили жана адабияты боюнча окутуучу, окуу бѳлүмүнүн башчысы, мектеп директору кызматтарында иштеген.

1958-жылдын октябрь айында Бишкек шаарындагы Кыргыз Республикасынын Улуттук университетиндеги Кыргыз тил илими кафедрасынын аспиранты болуп, аны 1961-жылы ийгиликтүү аяктап, филология илимдеринин кандидаты илимий даражасын алган. «Кыргыз тилинин эки составдуу жѳнѳкѳй сүйлѳмдѳрүндѳгү сѳздѳрдүн орун тартиби» деген темада кандидаттык диссертациясын коргогон.

Андан кийин ошол эле Улуттук университетте окутуучу, ага окутуучу жана доценттик кызматта 1990-жылдын июль айына чейин иштеген.

1990-1991-окуу жылында Ысык-Кѳл облусундагы К.Тыныстанов атындагы мамлекеттик университетке Кыргыз Республикасынын Министрлер Советинин чечиминин негизинде жаңы ачылып жаткан университетти чыңдоо максатында которулуп келген. Ошол мезгилден бери Ысык-Кѳлдѳгү аталган университеттин Кыргыз тили кафедрасынын башчысы, Кыргыз филологиясынын деканы жана профессору кызматында эмгектенип келген.

Профессорлук илимий наамы 1990-жылы, филология илимдерининин доктору илимий даражасы 1995-жылы ыйгарылган. «Кыргыз тилинин синтаксистик түзүлүшү» деген окуу китебинин (Жогорку окуу жайларынын студенттери үчүн) негизинде докторлук диссертация коргогон.

2003-жылдын 18-сентябрында Чүй университетинин «Ардактуу профессору» деген наамы ыйгарылган.

Кыргыз Республикасында илимди ѳнүктүрүүгѳ жана республикасынын эл чарбасына жогорку квалификациялуу адистерди даярдоого кошкон зор залымы үчүн Кыргыз ССРинин билим беруусунун отличниги (1965),

В.И. Лениндин 100 жылдык юбилейи медалы (1970),

«Эмгек ардагери» медалы (1991), Кыргыз Республикасынын Ардак грамотасы (1991),

Ысык-Кѳл облустук администрациясынын Ардак грамотасы (1995),

1999-жылдын 21-сентябрында республиканын билим берүүсүнѳ сиңирген эмгеги үчүн «Кыргыз Республикасынын Билим берүүсүнө эмгек сиңирген кызматкер» деген ардактуу наам берилген.

Кыргыз Республикасынын Мамлекеттик тилин ѳнүктүрүүгѳ кошкон зор залымы үчүн Кыргыз Республикасынын Президентине караштуу Мамлекеттик тил боюнча улуттук комиссиянын Ардак грамотасы (2006),

Кыргыз Республикасынын билим берүү жана илим министрлигинин Ардак грамотасы (2010) менен сыйланган.

Илим изилдөө иштериндеги ишмердүүлүгү, улуттар арасындагы биримдикти, ынтымакты чыңдоодогу жеке салымы үчүн жана Ысык-Кѳл облусунун 70 жылдыгына карата «Жети-Өгүз районунун ардактуу атуулу» (2009),

Ысык-Көл облусунун алдындагы зор эмгегин, коомдук-саясий турмушундагы ѳзгѳчѳ салымын жогору баалап жана Кыргыз Республикасынын Эгемендүүлүгүнүн 20 жылдыгынын урматына карата «Ысык-Кѳл облусунун ардактуу атуулу» (2011) наамдары ыйгарылган.

Билим берүү системасында жана илим-изилдѳѳ иштеринде узак жылдардан бери эмгектенген мезгилдин аралыгында кѳптѳгѳн монографияларды, окуу китептерин, окуу-методикалык кѳрсѳтмѳлѳрдү, окуу программаларын, илимий жана публицистикалык макалаларды жазган. Ал-жалпы билим берүүчү орто мектептер, атайы окуу жайлары жана жогорку окуу жайлары үчүн кыргыз тилинин синтаксистик түзүлүшү боюнча кѳптѳгѳн окуу китептеринин автору. Профессор А.Иманов кыргыз элинин санжыра-тарыхы боюнча да үзүрлүү эмгектенген. Анын бул багытта бир нече монографиялары, 20дан ашык макаласы жарык кѳрдү.

Профессор А.Иманов илим кадрларын даярдоого да салымы зор: ал филология илимдеринин 8 кандидатын, 1 докторун даярдаган. Азыр да бир нече аспиранттын, изденүүчүлѳрдүн илимий жетекчиси жана 2 докторанттын консультанты эле.

А. У. Жапаров, С. Касмамбетов, В. Раимбачаева, Э. Байсалов, У. Э. Мамбетакунов, К. Осмоналиев, Б. Бөрүбашев, И. Ж. Иманбетов, М. Тагаев, Т. Бакчиев, К.О. Иманалиев, Н. Дюшеева, Ж. Бакашова,  А. А. Иманбаев, Т. Абдрахманов, А. Абдраева, А. Мусаев, К. Кожобеков, М. Мамакеев, Ж. Сааданбеков, Э. Каптагаев, Т. Мамытов,    У. К. Жылкыбаев, А. Акибаев,  К. Ж. Садыков, К. Ашымбаев, А. Карасаева,  Т. Ишемкулов, И. Болжурова, Р. Кыдырбаева, А. Эркебаев, О. Ибраимов, С. Мусаев, А. Акматалиев, А. Жайнакова, С. Кайыпов, Л. Үкүбаева, Ү. Култаева, Н. Ишекеев, К. К. Иманалиев, М. Кидибаев, Ш. Шакитов, С. Алахан, К. Абакиров, А. Дунканаев,  Б. Жайлообаев, К. Кенжешев, Г. Орозова,  К. Койлубаев, А.О. Ибраев, М. Көлбаева ж.б. көңүл айтат.

Бөлүшүңүз