• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(139)
• Илим жана инновациялар башкармалыгы(67)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(124)
• Мектептик, мектептен тышкаркы жана кошумча билим берүү башкармалыгы(98)
• Мектепке чейинки билим берүү башкармалыгы(34)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(20)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(1)
• Маалыматтык саясат бөлүмү(1902)
• Эл аралык кызматташтык бөлүмү(71)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(44)
• Санариптик трансформация бөлүмү(3)
• Лицензиялоо сектору(1)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(29)
• Борборлоштурулган бухгалтерия(0)
• Кыргыз билим берүү академиясы(34)
• Национальный центр оценки качества образования и информационных технологий(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(33)
• Республикалык дене тарбия, спорт жана маданият боюнча усулдук борбору(62)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(18)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(78)
• Секторду өнүктүрүү программасы: Инклюзивдик өнүгүү үчүн көндүмдөр(82)
• "Секторду өнүктүрүү программасы: мектептик билим берүүнү реформалоо" долбоору(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

НЕКРОЛОГ

Көрүлдү: 383

Кыргызстандын билим берүү тармагы оор жоготууга учурады. 8- декабрда оорудан улам 54 жаш курагында Бүбүсара Бейшеналиева атындагы Кыргыз Мамлекеттик маданият жана искусство университетинин ректору, экономика илимдеринин доктору, профессор, билим берүүнүн, маданияттын жана экономиканын отличниги Чотонов Мамашарип Мамытович дүйнө салды.

Мамашарип Чотонов 1968-жылы 9-апрелде Ош облусунун Кара-Кулжа районуна караштуу Кызыл-Жар айылында туулган.

1986-1988-жылдары Советтик Армиянын катарында кызмат өтөгөн. 

1992-жылы Б. Бейшеналиева атындагы Кыргыз мамлекеттик искусство институтунун маданий-агартуу иштери факультетин «Маданий-агартуу иштеринин уюштуруучу-методист» адистигин, 2000-жылы Кыргыз мамлекеттик улуттук университетин «Финансы жана кредит» адистигин, ал эми, 2012-жылы Кыргыз Республикасынын Тышкы иштер министрлигине караштуу Дипломатиялык академиянын «Эл аралык мамилелер» адистигин аяктаган.

Ал эмгек жолун 1992-жылы Т. Сатылганов атындагы Кыргыз улуттук филармониясынын администратору болуу менен баштаган. 1993-1994-жылдары аталган мекемеде режиссёрдун жардамчысы кызматында иштеген. 1992-жылы филармониядагы иши менен айкалыштырып, «Руханият» эл аралык ассоциациясынын менеджери, 1993-жылы аткаруучу директору кызматын аркалап, 1994-жылы аталган ассоциациянын вице-президенти кызматына дайындалган. 1996-жылы «Дастан-Ю» жоопкерчилиги чектелген коомун түзүп, 1999-жылы ишкананын башкы директору, 2001-2004-жылдары «Жакшылык кредит» фирмасынын директору болуп эмгектенген.

2005-жылы Бүбүсара Бейшеналиева атындагы Кыргыз мамлекеттик маданият жана искусство университетинин Социалдык-маданий ишмердиги кафедрасына окутуучу болуп кабыл алынган. 2008-жылы аталган кафедранын улук окутуучусу окумуштуулук наамы берилген. 2012-жылы Оркестр жана хор дирижерлугу факультетинин деканы кызматына дайындалган. 2011-2012-жылдары аталган кызмат менен айкалыштырып, Жусуп Баласагын атындагы Кыргыз улуттук университетинин Экономика жана финансы факультетинде, 2012-2014-жылдары Кыргыз-Түрк «Манас» университетинин экономика жана башкаруу факультетинде окутуучулук кесипти аркалаган.

2014-жылдан тартып, өмүрүнүн акырына чейин Б. Бейшеналиева атындагы Кыргыз мамлекеттик маданият жана искусство университетинин ректору кызматында эмгектенип келген.
2011-жылы Экономика илимдерини кандидаты илимий наамы жана экономика адистиги боюнча доцент окумуштуулук наамы ыйгарылган. 2015-жылы Россия Федерациясынын Табигый илимдер академиясы тарабынан профессор окумуштуулук наамы, 2020-жылы ушул эле академиянын мүчө-корреспонденти наамы, 2019-жылы Кыргыз Республикасынын Жогорку аттестациялык комиссиясы тарабынан экономика илимдеринин доктору илимий наамы берилген.

Мамашарип Чотонов  педагогикалык ишмердиги менен бирге илимий иштерге да жигердүү аралашып, билим берүү, маданият  жана башкаруу чөйрөсүндөгү экономикалык көйгөйлөргө, кырдаалдарга арналган макалалары маалымат каражаттарында жарыялап келген. 2012-жылы «Экономика социально-культурной сферы», «Менеджмент в социально-культурные сферы» аттуу эки окуу китеби басмадан чыгып, Кыргыз Республикасынын Билим берүү жана илим министрлигинин чечими менен жогорку окуу жайларда окутуу үчүн программага киргизилген.

Билим берүү тармагына кошкон салымы бааланып, бир катар мамлекеттик органдардын ардак грамоталары, маданияттын, билим берүүнүн жана экономиканын мыктысы төш белгилери менен сыйланган.

Мамашарип Чотоновдун кесипкөйлүгү, уюштуруучулук жөндөмү жана адамдык парасаты дайыма жүрөгүбүздө сакталат.

Билим берүү жана илим министрлиги маркумдун үй-бүлөсүнө, жакын туугандарына жана жолдошторуна терең кайгыруу менен көңүл айтып, аза кайгысын тең бөлүшөт. 

Бөлүшүңүз