• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(143)
• Илим жана инновациялар башкармалыгы(70)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(157)
• Мектептик, мектептен тышкаркы жана кошумча билим берүү башкармалыгы(99)
• Мектепке чейинки билим берүү башкармалыгы(35)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(22)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(2)
• Маалыматтык саясат бөлүмү(2281)
• Эл аралык кызматташтык бөлүмү(72)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(45)
• Санариптик трансформация бөлүмү(3)
• Лицензиялоо сектору(2)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(30)
• Борборлоштурулган бухгалтерия(0)
• Кыргыз билим берүү академиясы(34)
• Билим берүүнүн сапатын өнүктүрүү департаменти(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(54)
• Республикалык дене тарбия, спорт жана маданият боюнча усулдук борбору(79)
• Республиканский научно-методический центр(66)
• “Санарип билим берүү борбору” мамлекеттик мекемеси(1)
• Көз карандысыз сертификациялоо жана валидациялоо борбору(25)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(92)
• Секторду өнүктүрүү программасы: Инклюзивдик өнүгүү үчүн көндүмдөр(89)
• "Секторду өнүктүрүү долбоору: мектептик билим берүүнү реформалоо"(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

Кыргызстанда COVID-19га жооп катары мектептердин коопсуз ачылышын жана кошумча окутууну камсыз кылуу үчүн Жапон өкмөтү 2,7 млн АКШ долларын бөлдү

Көрүлдү: 977

COVID-19 тооруп турган учурда балдарды сапаттуу билим берүү менен камсыз кылуу максатын көздөгөн жаңы долбоор үчүн Жапон өкмөтү Кыргыз Республикасына 2,7 миллион АКШ долларын бөлүп жатат. Бул долбоорду ЮНИСЕФ ишке ашырат.

БИШКЕК, 2021-жылдын 4-августу – COVID-19 тооруп турган учурда балдарды сапаттуу билим берүү менен камсыз кылуу максатын көздөгөн жаңы долбоор үчүн Жапон өкмөтү Кыргыз Республикасына 2,7 миллион АКШ долларын бөлүп жатат. Бул долбоорду ЮНИСЕФ ишке ашырат.

Билим берүү жана илим министринин орун басары Надира Джусупбекова Жапониянын Атайын жана Ыйгарым укуктуу Элчиси Сигэки Маэда менен ЮНИСЕФтин Кыргыз Республикасындагы Өкүлүнүн орун басары Юлия Олейниктин ортосундагы алмашуу ноталарына кол коюу аземине катышты. Бул программа Билим берүү жана илим министрлигинин колдоосу менен COVID-19дун билим берүү системасына тийгизген таасирин азайтуу жана жооп кайтаруу үчүн иштелип чыккан.

Жапониянын Кыргыз Республикасындагы Атайын жана Ыйгарым укуктуу Элчиси Сигэки Маэда мырза буларды белгиледи: “Өткөн жылдын март айында Кыргызстанда коронавирус инфекциясынын алгачкы учурлары аныкталгандан бери Кыргызстан социалдык жана экономикалык жактан чоң сокку алды. Пандемиядан өзгөчө аялуу балдар жапа чегишти, анткени бул илдет жалпынын укугу болгон билим алууга жеткиликтүүлүктү кыйындатты. Жапон Өкмөтү бул долбоор аркылуу билим алуу үчүн адилеттүү жана бардыгын камтыган мүмкүнчүлүктөр камсыздалып, Кыргызстандын балдары туруктуу өнүгүүнүн пайдубалын өз колдору менен түптөйт деп чын дилинен үмүт кылат”.

2020-жылдын мартында Кыргыз Республикасында COVID-19дун биринчи учурлары аныкталгандан кийин, өкмөт коомдук саламаттык сактоонун зарыл чарасы катары өлкө боюнча мектептерди жаап, аралыктан окутууну киргизген. Бул 1,44 миллион окуучуга таасирин тийгизди. Өкмөттүн аракеттерине карабастан, ЮНИСЕФ өнөктөштөрү менен жүргүзгөн изилдөөлөргө ылайык, 2020-жылдын октябрь-ноябрь айларында COVID-19 пандемиясы маалында балдардын 77% дайыма же көпчүлүк учурда сабактарга аралыктан катыша алышкан, ал эми балдардын 23 пайызы окууга катышкан эмес. Көпчүлүк мектептер 2020-жылдын декабрынан кийин кайра ачылса да, бул балдар үйрөнбөй калган материалдарды башынан окуп чыгуу үчүн кошумча программаларга муктаж болот. Мындан тышкары, COVID-19 мындан ары да окууга тоскоол болбошу үчүн мектептерде талаптагыдай гигиенаны камсыз кылуу, инфекциянын алдын алуу жана көзөмөлдөө абдан маанилүү.

ЮНИСЕФтин Кыргыз Республикасындагы Өкүлүнүн орун басары Юлия Олейник кол коюу аземинин катышуучуларына кайрылып жатып буларды билдирди: “COVID-19 пандемиясы башталгандан бери 18 ай өттү, тилекке каршы, бүгүнкү күндө дүйнөдө 156 миллиондон ашык баланын билим алуусу үзгүлтүккө учурады. Кыргызстанда мектептердин жабылышы 1,44 миллиондон ашык окуучуга да таасирин тийгизди. Жапон Өкмөтү менен ЮНИСЕФтин өнөктөштүгү COVID-19 пандемиясына карабай бардык балдардын сапаттуу билим алуусуна жеткиликтүүлүгүн камсыз кылуу үчүн биздин билим берүү программабызды бекемдейт”.

Долбоор Билим берүү жана илим министрлигине мектептерде суу менен жабдуу, гигиена жана санитария боюнча иш-чараларды жүзөгө ашырууга, анын ичинде гигиеналык жабдууларды жана буюмдарды сатып алууга, ошондой эле Жапониянын практикасын жана тажрыйбасын колдонуу жолу менен гигиенага окутууга көмөктөшөт. Мындан тышкары, долбоор мектептер жабылган учурда аралыктан окууга катыша албай калган балдарга да колдоо көрсөтөт. Кошумча окуу программасы ошондой эле 2-4-класстын окуучуларын санарип технологиялары жана санариптик окутуу менен тааныштырып, саноо жана сабаттуулук боюнча окуу программаларын кеңейтет.

Долбоор 2024-жылдын августуна чейин эсептелген жана Туруктуу өнүгүү максатына (ТӨМ-4) – инклюзивдүү жана тең сапаттуу билим берүүнү камсыз кылуу жана бардыгы үчүн окуу мүмкүнчүлүктөрүн кеңейтүү максатына жетишүүгө салым кошот.

Толук маалымат алуу үчүн төмөнкү адамдарга кайрылууңузду өтүнөбүз:

Мавлюда Джапарова, ЮНИСЕФтин байланыш боюнча адиси: mdzhaparova@unicef.org

Минори Симидзу, Жапон элчилигинин атташеси: minori.shimizu@mofa.go.jp

Бөлүшүңүз