БИЛИМ БЕРҮҮ УЮМДАРЫНЫН ПЕДАГОГИКАЛЫК КЫЗМАТКЕРЛЕРИНЕ ЖЫЛ САЙЫН БЕРИЛҮҮЧҮ УЗАРТЫЛГАН ӨРГҮҮНҮН УЗАКТЫГЫ БЕЛГИЛЕНДИ

Автор: Маалыматтык саясат бөлүмү

15 Июнь 2022 ж. 21:13

Көрүлдү: 1415

15-июнда Министрлер Кабинетинин Төрагасы Акылбек Жапаров “Билим берүү уюмдарынын педагогикалык кызматкерлерине жыл сайын берилүүчү негизги узартылган өргүүнүн узактыгы жөнүндө” №320 токтомго кол койду.

Билим берүүнүн бардык деңгээлдериндеги билим берүү уюмдарынын педагогикалык кызматкерлеринин социалдык жактан корголушун жогорулатуу үчүн Министрлер Кабинети менчигинин түрүнө карабастан билим берүү уюмдарынын педагогикалык кызматкерлерине жыл сайын берилүүчү негизги узартылган өргүүнүн узактыгын белгиледи.

Ага ылайык өргүүнүн узактыгы мугалимдер жана окутуучулар үчүн 56 күн.

"Өргүүнүн күндөрү кыскарды", - деген маалыматтар чындыкка дал келбейт!

Бул токтом расмий жарыяланган күндөн тартып күчүнө кирет.

Бөлүшүңүз