МИНИСТР ЖАЛАЛ-АБАД ОБЛУСУНА БОЛГОН ИШ САПАРЫНЫН ЖЫЙЫНТЫГЫ БОЮНЧА ОПЕРАТИВДҮҮ ТАПШЫРМАЛАРДЫ БЕРДИ

Автор: Маалыматтык саясат сектору

5 Февраль 2026 ж. 19:15

Көрүлдү: 443

Бүгүн, 5-февралда, Кыргыз Республикасынын агартуу министри Догдуркүл Кендирбаева Жалал-Абад облусуна болгон эки күндүк иш сапарынан кийин тиешелүү орун басарлары менен жыйын өткөрдү.

Жыйындын жүрүшүндө иш сапарында аныкталган маселелер талкууланып, министр тарабынан облустагы билим берүү уюмдарында сапаттуу билим берүү жана эффективдүү башкарууну камсыз кылуу, райондук билим берүү бөлүмдөрүнүн ишмердүүлүгүн жогорулатуу, жарандар тарабынан көтөрүлгөн көйгөйлөрдү жана мектептердин абалын өз убагында чечүү боюнча оперативдүү тапшырмалар берилди.

Эки күндүк иш сапар учурунда министр жалпы жана башталгыч билим берүү уюмдарына барып, окуу процессинин жүрүшү менен таанышып, мектептердин абалын текшерди. Ошондой эле мугалимдер менен санариптик билим берүү платформаларын колдонуу боюнча пикир алмашып, алардын сунуштарын угуп, талкуулады.

Бөлүшүңүз