АГАРТУУ МИНИСТРИНИН МЕКТЕП ДИРЕКТОРЛОРУ МЕНЕН АЙМАКТЫК ЖОЛУГУШУУСУ

Автор: Маалыматтык саясат сектору

5 Февраль 2026 ж. 11:50

Көрүлдү: 369

Бүгүн, 5-февралда Кыргыз Республикасынын агартуу министри Догдуркүл Кендирбаева Жалал-Абад облусунун Манас шаарында мектеп директорлору менен жолугушту.

Жолугушууга Сузак, Базар-Коргон, Ноокен райондорунун жана Манас шаардык билим берүү бөлүмдөрүнүн башчылары, ошондой эле аймактагы мектеп директорлору катышты.

Иш-чарада билим берүү тармагындагы актуалдуу маселелер, мектептердин ишмердүүлүгүн жакшыртуу, башкаруу сапатын жогорулатуу жана билим берүүнүн сапатын көтөрүү багытындагы сунуш-пикирлер талкууланды.

Министр билим берүү уюмдарынын жетекчилеринин суроолоруна жооп берип, тармакты өнүктүрүүгө багытталган бир катар тапшырмаларды берди.

Бөлүшүңүз