ЧЫРАК АЙЫЛЫНДАГЫ МЕКТЕПТЕ БОЛГОН ОКУЯ БОЮНЧА МИНИСТРЛИКТИН БИЛДИРҮҮСҮ

Автор: Маалыматтык саясат сектору

3 Февраль 2026 ж. 11:25

Көрүлдү: 242

Кыргыз Республикасынын Агартуу министрлиги Ысык-Көл облусунун Жети-Өгүз районунун Чырак айылындагы Т. Акун атындагы жалпы билим берүү мектебинин дене тарбия мугалиминин окуучуларга карата кол көтөргөндүгү боюнча төмөнкүлөрдү билдирет.

Бул көрүнүш балдарга карата жасалган зомбулук катары бааланып, педагогикалык кызматкер тарабынан кесиптик этиканын одоно түрдө бузулгандыгын айгинелейт.

Агартуу министрлиги Кыргыз Республикасынын Ички иштер министрлигинин тиешелүү аймактык бөлүмдөрү менен биргеликте окуянын бардык жагдайларын аныктоо боюнча иш-чараларды дароо баштаган. Учурда териштирүү иштери улантылууда.

Белгилей кетсек, Агартуу министрлигинин 2026-жылдын 19-январындагы № 13/1 буйругунун негизинде өлкө аймагында комплекстүү жана масштабдуу профилактикалык иш-чаралар жүргүзүлүп жатат. Министрлик бул терс көрүнүштөр менен жалпы кырдаалга баа берүүдөн оолак болууга чакырат.

Мындан тышкары, педагогикалык кызматкерлердин, окуучулардын жана ата-энелердин катышуусу менен комплекстүү түшүндүрүү иштери жүргүзүлүүдө. Ошондой эле Агартуу министрлигинин

Республикалык педагогикалык кызматкерлердин квалфикациясын жогорулатуу жана кайра даярдоо институтуна Кыргыз Республикасындагы мугалимдердин кесиптик этикасы боюнча түшүндүрүү иштерин күчөтүү жөнүндө тиешелүү тапшырмалар берилди.

Бөлүшүңүз