ҮЧ ПРЕДМЕТ БОЮНЧА ЖАҢЫ МУУНДАГЫ ОКУУ КИТЕПТЕРИН ИШТЕП ЧЫГУУЧУЛАР ТАНДАЛДЫ

Автор: Маалыматтык саясат сектору

28 Январь 2026 ж. 16:39

Көрүлдү: 182

Кыргыз Республикасынын Агартуу министрлиги 12 жылдык билим берүү моделине өтүүнүн алкагында жаңы муундагы окуу китептерин даярдоо максатында авторлорду жана иштеп чыгуучуларды тандоо боюнча сынак өткөрдү.

Сынак “Кыргыз тили” (1–12-класстар), “География” жана “Тарых” (7–12-класстар) предметтери боюнча эки этапта уюштурулду.

Биринчи этапта атайын түзүлгөн калыстар тобу катышуучулардын резюмелерин, кесиптик тажрыйбасын, илимий-методикалык эмгектерин жана компетенттүүлүгүн баалады.

Экинчи этапта талапкерлер берилген тапшырманын негизинде иштелип чыккан долбоорлорун офлайн жана онлайн форматта презентациялап, коргошту.

Сынактын жыйынтыгы боюнча:

• “География” предмети боюнча 10 арыз кабыл алынып, 10 автор тандалды;
• “Тарых” предмети боюнча 16 арыз кабыл алынып, 8 автор тандалды;
• “Кыргыз тили” предмети боюнча 24 арыз кабыл алынып, 5 автор тандалып алынды.

Сынактын жыйынтыгына ылайык “Кыргыз тили” предмети боюнча кошумча авторлорду тартуу зарылдыгы аныкталды.

Белгилей кетсек, министрлик окуу китептеринин авторлорун жана иштеп чыгуучуларын тандоо боюнча сынакты 2025-жылдын 10-октябрында жарыялаган https://edu.gov.kg/posts/4527/

Бөлүшүңүз