АГАРТУУ МИНИСТРЛИГИНИН ТОП-5 ЖЕТИШКЕНДИГИ: 2025-ЖЫЛЫ 4 085 450 ОКУУ-УСУЛДУК КОМПЛЕКТ ЧЫГАРЫЛДЫ

Автор: Маалыматтык саясат сектору

26 Декабрь 2025 ж. 15:42

Көрүлдү: 304

Мектептерди окуу китептери менен камсыз кылууда олуттуу натыйжаларга жетишилди. 2025-жылы окуу-методикалык комплекстерди басып чыгаруу көлөмү акыркы жылдардагы рекорддук көрсөткүчкө жетти.

Алсак, 2025-жылы окуу китептерин басып чыгарууга мамлекет тарабынан 856 548 703 сом бөлүнгөн. Акыркы 8 жылда жалпысынан 3 742 461 окуу китеби басылып чыкса, 2025-жылы 4 085 450 окуу-методикалык комплекси (УМК) басылып чыгарылды, бул 8 жылда чыгарылган көлөмдөн 9,1% көп.

Окуу китептери Кыргыз Республикасынын Министрлер Кабинетинин 2024-жылдын 30-октябрындагы № 654 токтому менен бекитилген Кыргыз Республикасында 12 жылдык мектептик билим берүүгө өтүү концепциясына ылайык бардык предметтер боюнча окуу китептерин жаңылоонун так этаптуу планынын негизинде басылып чыгарылууда.

Бөлүшүңүз