ЖАҢЫ ОКУУ КИТЕПТЕРИ МЕКТЕПТЕРГЕ ТАРАТЫЛУУДА

Автор: Маалыматтык саясат сектору

22 Октябрь 2025 ж. 10:28

Көрүлдү: 480

Кыргыз Республикасынын Агартуу министрлигине караштуу “Окуу китеби” басма үйү” мамлекеттик мекемесине табигый илимдер, математика жана англис тили предметтери боюнча окуу-методикалык комплекстерди колдонуу укугу алынган.

Учурда окуу китептери кыргыз жана орус тилдеринде окутулган мектептер үчүн адаптацияланып, редакциялоо жана “Учкун” ААК тарабынан басып чыгаруу иштери жүрүүдө.

Бүгүнкү күндө:

• “Математика”, 1-класс – 295 880 нускада басылып чыгып, мектептерге жеткирилди;

• “Мен жана дүйнө”, 1-класс – 295 880 нускада басылып, таратылууда;

• “Математика”, 2-класс – 344 660 нускада басылып чыгып, мектептерге таратыла баштады;

• “Табигый илимдер”, 2-класс – басууга даярдалууда.

Бул окуу китептери мамлекеттик билим берүү стандарттарына ылайык даярдалып, окутуунун сапатын жогорулатууга багытталган.

Бөлүшүңүз