“ӨКМӨТТҮК АКСЕЛЕРАТОРЛОР” ПРОГРАММАСЫНЫН АЛКАГЫНДА ЭКСПЕРТТЕР ДАЯРДАЛУУДА

Автор: Маалыматтык саясат сектору

18 Сентябрь 2025 ж. 18:26

Көрүлдү: 334

Кыргыз Республикасынын Агартуу министрлиги башталгыч жалпы билим берүү программаларын ишке ашырган жеке менчик мектептерди лицензиялоону жөнөкөйлөтүү аркылуу билим алууга жеткиликтүүлүктү камсыз кылуу максатында эксперттерди даярдоо боюнча тренинг өткөрдү.

Тренингде жеке менчик мектептердин ишине лицензиялык контроль жүргүзүүгө тартылуучу эксперттерге лицензиялоону жөнөкөйлөтүү боюнча материалдар берилип, эксперттердин иштөө тартиби, жоопкерчилиги жана баалоо механизмдери боюнча окутуу жүргүзүлдү.

Тренинг Кыргыз Республикасынын Министрлер Кабинетинин Төрагасы Адылбек Касымалиевдин 2025-жылдын 4-августундагы № 24-8284 тапшырмасына ылайык 100 күндүк мөөнөттө жүзөгө ашырылуучу “Өкмөттүк акселераторлор” программасынын алкагында уюштурулду.  

Бөлүшүңүз