КЫРГЫЗСТАН БОЮНЧА МЕКТЕПТЕРДЕ 1-2-КЛАССТАР ҮЧҮН 112 182 БОШ ОРУН БАР

Автор: Маалыматтык саясат сектору

1 Август 2025 ж. 18:35

Көрүлдү: 608

Кыргыз Республикасынын Агартуу министрлиги 2025-2026-окуу жылына 1-2-класстардын окуучуларын мектепке каттоо процесси уланып жатканын маалымдайт. Каттоо жараяны мүмкүн болушунча жөнөкөйлөтүлгөн.

Ата-энелер балдарын мектепке каттатуу үчүн уюлдук телефон же компьютер аркылуу каттоодон өтө алышат. Ал үчүн 1mektep.edu.gov.kg санариптик платформасы жана “Түндүк” мобилдик тиркемеси колдонулат.

Азыркы учурда өлкө боюнча 1-2-класстар үчүн 112 182 бош орун жеткиликтүү.

Каттоо мөөнөтү 2025-жылдын 15-августуна чейин улантылат.

Урматтуу ата-энелер! Жоопкерчиликтүү мамиле кылып, балдарыңызды мектепке өз убагында каттатыңыздар.

Кошумча маалымат алуу үчүн Колл-борборго кайрылыңыздар. Байланыш номери: 110 (чалуу акысыз)

Бөлүшүңүз