IBO-2025: КЫРГЫЗСТАНДЫН ОКУУЧУЛАРЫ 2 КОЛО МЕДАЛГА ЭЭ БОЛУШТУ

Автор: Маалыматтык саясат сектору

30 Июль 2025 ж. 15:53

Көрүлдү: 547

2025-жылдын 20-27-июлунда Филиппиндин Кесон шаарында өткөн XXXVI эл аралык биология олимпиадасында (International Biology Olympiad – IBO) Кыргызстандын улуттук командасы 2 коло медаль жеңип алды.

Кыргызстандын командасына Улуттук олимпиаданын жеңүүчүлөрүнүн арасынан тандоо этабында жогору балл алган төмөндөгү 4 окуучу тандалган:
Дмитрий Рубан, “Сейтек STEM” мектебинин 10-классынын окуучусу;
Нурсултан Увалиев, К. Карасаев атындагы Ысык-Көл лицейинин 11-классынын окуучусу;
Айбике Базарбаева, United World International School мектебинин 12-классынын окуучусу;
Өмүрбек Русланбеков, Ч. Айтматов атындагы лицейдин 11-классынын окуучусу;

Команданын курамына төмөнкү жетекчилер кошулган:
Эльбрус Тажибаев – кураманын жетекчиси, IBO калыстар тобунун мүчөсү;
Даян Мэлисов – машыктыруучу, IBO калыстар тобунун мүчөсү;
Бактынур Ажыбаев – машыктыруучу, IBO калыстар тобунун мүчөсү

Жыйынтыгында Дмитрий Рубан менен Айбике Базарбаева коло медалга татыктуу болушту. 

Ошентип, Айбике Базарбаева биология боюнча эл аралык олимпиадада коло медаль утуп алгачкы кыргызстандык кыз болуп калды.

Бөлүшүңүз