ЖРТ 2025: 56 160 БҮТҮРҮҮЧҮ КАТЫШЫП, 54 АБИТУРИЕНТ “АЛТЫН СЕРТИФИКАТТЫН” ЭЭСИ БОЛДУ

Автор: Маалыматтык саясат сектору

23 Июнь 2025 ж. 18:05

Көрүлдү: 2743

Быйылкы тестирлөөгө өлкө боюнча жалпы 56 160 бүтүрүүчү катышты, анын ичинен кыргыз тилинде тапшыргандар – 31 721, орус тилинде тапшыргандар – 24 439.

🏅 ЖРТнын жыйынтыгында 54 бүтүрүүчү эң жогорку жыйынтыкты көрсөтүп, “Алтын сертификаттын” ээси болду. Аймактар боюнча алганда, жыйынтык төмөнкүдөй болду:

Бишкек шаары – 38 “Алтын сертификат”;
Жалал-Абад облусу – 4 “Алтын сертификат”;
Чүй облусу – 4 “Алтын сертификат”;
Ысык-Көл облусу – 2 “Алтын сертификат”;
Нарын облусу – 2 “Алтын сертификат”;
Ош шаары – 2 “Алтын сертификат”;
Талас облусу – 1 “Алтын сертификат”;
Россия Федерациясынын жалпы билим берүү уюмдары – 1 “Алтын сертификат”.

📝 “Алтын сертификат” ээлеринин арасынан үчөө – былтыркы жылдын бүтүрүүчүлөрү.

📚Белгилей кетсек, Кыргыз Республикасынын мыйзамдарына ылайык күчүнө кирген эл аралык келишимдердин негизинде грантка талапкер болгон чет мамлекеттердин жарандары – абитуриенттери да ЖРТга катыша алышат.

📈 Мындан тышкары, облустук деңгээлде 19 бүтүрүүчү эң жогорку балл алды:

Баткен облусу – 2;
Жалал-Абад облусу – 2;
Ош облусу – 4;
Ысык-Көл облусу – 2;
Талас облусу – 3;
Нарын облусу – 4;
Чүй облусу – 2.

🎓 Агартуу министрлиги жалпы республикалык тестирлөөгө катышкан бардык бүтүрүүчүлөрдү, анын ичинде “Алтын сертификат” ээлерин, чын жүрөктөн куттуктайт! Ошондой эле министрлик ар бир бүтүрүүчүгө келечектеги билим жолунда ийгиликтерди жана зор жетишкендиктерди каалайт!

Бөлүшүңүз