КЫРГЫЗ РЕСПУБЛИКАСЫНЫН АГАРТУУ МИНИСТРЛИГИ ЖМК ӨКҮЛДӨРҮН ПРЕСС-КОНФЕРЕНЦИЯГА ЧАКЫРАТ

Автор: Маалыматтык саясат сектору

5 Июнь 2025 ж. 17:51

Көрүлдү: 922

2025-жылдын 10-июнунда (шейшемби), саат 14:00дө И. Арабаев атындагы Кыргыз улуттук университетинин конференц-залында Илимий китепканада (2 кабат, Бишкек шаары, И. Раззаков көчөсү 51 А,) 2024–2025-окуу жылынын жыйынтыктарына арналган пресс-конференция өтөт.

Пресс-конференциянын темасы:

«2024–2025-окуу жылынын жыйынтыгы: жетишкендиктер, чакырыктар жана келечекке пландар. 2025-жылдын 2-июнунан баштап 1- жана 2-класстарга балдарды кабыл алуу боюнча».

Пресс-конференциянын жүрүшүндө министрликтин өкүлдөрү жана эксперттер 2024–2025-окуу жылынын негизги жыйынтыктарын, жаңы билим берүү стандарттарын жана санариптик чечимдерди киргизүү пландары тууралуу айтып беришет. Ошондой эле, 2025-жылдын 2-июнунан тартып башталган 1- жана 2-класстарга балдарды кабыл алуу процесси тууралуу да маалымат берилет.

Пресс-конференциянын катышуучулары:

1. Джусупбекова Надиpa Сынташевна — Кыргыз Республикасынын агартуу министринин орун басары;
2. Мозгачёва Виктория Андреевна — Бишкек шаарынын вице-мэри;
3. Назира Дюшеева — Кыргыз билим берүү академиясынын президенти;
4. Бабаев Бектурган Назарбекович — Санариптик билим берүү борборунун директору.

Журналисттерди, редакторлорду, телеканалдардын жана интернет-ММК өкүлдөрүн, блогерлерди иш-чарага активдүү катышууга, суроолорду берүүгө жана расмий маалыматты түздөн-түз алууга чакырабыз.

Кыргыз Республикасынын Агартуу министрлигинин маалыматтык саясат бөлүмү

Бөлүшүңүз