БИЛИМ БЕРҮҮ ЖАНА ИЛИМ МИНИСТРЛИГИ МЕКТЕПКЕ БИРИНЧИ ЖОЛУ БАРА ТУРГАН БАЛДАРДЫН АТА-ЭНЕЛЕРИН 1-ИЮНГА ЧЕЙИН МЕКТЕПТИ ТАНДООСУН ЫРАСТООГО ЧАКЫРАТ

Автор: Маалыматтык саясат бөлүмү

23 Апрель 2025 ж. 15:48

Көрүлдү: 19805

Учурда каттоонун биринчи этабы жүрүп жатат, сиз тандаган мектеп сиздин каттоо дарегиңизге жакын жайгашса, 1-июнга чейин тандагандыгыңызды ырастоо зарыл.

Ушул тапта электрондук каттоо системасынын маалыматы боюнча:
· Мектептердеги орундардын жалпы саны: 285 560.
· Ал эми ата-энелер тарабынан ырасталган орундардын жалпы саны: 92 370 (анын ичинде артыкчылык укугу бар балдар үчүн — 1 268).
· Бул мектепке бара тургандардын 32%ын гана түзөт.
· Азыркы күндө каттала элек бош орундардын саны: 193 190 (анын ичинде артыкчылык укугу бар 29 146 бала).

Урматтуу ата-энелер! Эгер мектеп тандооңузду ырастай элек болсоңуз — мүмкүн болушунча эртерээк ырастап коюуну өтүнөбүз.

Сураныч, акыркы күндөргө калтырбаңыз — система реалдуу убакыт режиминде иштейт, өз убагында ырастасаңыз, балаңыз каттоо дарегиңиз боюнча мектепке катталат.
 

Бөлүшүңүз