МИНИСТР АЛАЙДЫН ТУРГУНДАРЫН КАБЫЛ АЛЫП, ПЕДАГОГДОРУ МЕНЕН ЖОЛУГУШТУ

Автор: Маалыматтык саясат бөлүмү

26 Март 2025 ж. 11:10

Көрүлдү: 330

Кыргыз Республикасынын билим берүү жана илим министри Догдуркүл Кендирбаева 2025-жылдын 25-28-мартында Ош жана Жалал-Абад областтарынын аймактарына белгиленген иш сапарынын алкагында 26-мартта Алай районунун жалпы  билим берүү уюмдарынын жетекчилери жана жергиликтүү тургундар менен жолугушту.

Иш-чара Алай райондук мамлекеттик администрациясында өтүп, анда министр «Алтын Казык» билим берүү системасын трансформациялоо программасын аткаруунун алкагында 2024-жылы жасалган иштер жана 2025-2026-окуу жылына мерчемделген пландар тууралуу кенен маалымат берди.

Жолугушуунун алкагында катышуучулар 12 жылдык билим берүү боюнча бардык суроолоруна  жоопторду ала алышты.

Иш сапардын максаты - региондордогу билим берүү мекемелеринин абалы менен жеринен таанышуу, мугалимдер менен жолугушуу, көйгөйлөрдү аныктоо жана чечүү жолдорун талкуулоо, билим берүүнүн сапатын жогорулатуу боюнча сунуштарды иштеп чыгуу.

Бөлүшүңүз