МУНАЙ ӨНӨР ЖАЙЫНЫН АДИСТЕРИН ДАЯРДОО БОЮНЧА КЫРГЫЗ-КЫТАЙ КЫЗМАТТАШТЫГЫ ТАЛКУУЛАНДЫ

Автор: Маалыматтык саясат бөлүмү

25 Октябрь 2024 ж. 12:38

Көрүлдү: 288

24-октябрда билим берүү жана илим министринин орун басары Расул Абазбек уулу Хэбэй мунай кесиптик-техникалык университетинин ректору Юй Лиго баштаган делегация менен жолугушту.

Министрдин орун басары Расул Абазбек уулу Кытай Эл Республикасы менен билим берүү тармагында кызматташуунун маанилүүлүгүн баса белгилеп, “Бир алкак – бир жол” демилгесинин алкагында өз ара аракеттенүүнүн ийгиликтүү натыйжаларын белгиледи.

Ошол эле күнү Исхак Раззаков атындагы КМТУ менен Хэбэй мунай кесиптик-техникалык университети биргелешкен илимий изилдөөлөрдү жүргүзүү, энергетика жана мунай тармактары үчүн адистерди даярдоо боюнча меморандум түзүштү.

Белгилей кетсек, Хэбэй мунай кесиптик-техникалык университети 1903-жылы Бэйян политехникалык мектеби катары негизделген жана учурда университетте 10 факультет жана 25 бакалавриат программасы бар.

Бөлүшүңүз