МИНИСТР МЕНЕН БУУ ФАОнун ӨКҮЛҮ АЙЛАНА-ЧӨЙРӨГӨ ЖООПКЕРЧИЛИКТҮҮ МАМИЛЕНИ КАЛЫПТАНДЫРУУНУ ТАЛКУУЛАДЫ

Автор: Маалыматтык саясат бөлүмү

9 Октябрь 2024 ж. 10:29

Көрүлдү: 547

8-октябрда билим берүү жана илим министри Догдуркүл Кендирбаева жана Бириккен Улуттар Уюмунун Азык-түлүк жана айыл чарба уюмунун (ФАО) Кыргыз Республикасындагы өкүлчүлүгүнүн Олег Гучгельдыев башында турган кызматкерлери биргелешип иштөөнүн багыттарын талкуулашты.

Тараптар айыл чарба адистерин даярдоону колдоо, азык-түлүк коопсуздугу жана сууну туруктуу пайдалануу темаларын окуу программаларына интеграциялоо, окуучулардын жашыл көндүмдөрүн өнүктүрүү мүмкүнчүлүктөрүн карашты.

“Биздин билим берүү система өзгөрүп жаткан дүйнөгө ыңгайлаша алган, анын ичинде азык-түлүк коопсуздугун камсыз кылуу көйгөйлөрүн чече алган, экология, климаттык тобокелдиктер, жашыл экономика маселелери боюнча сабаттуу, STEM көндүмдөрүнө ээ адамды даярдашы керек”, - деди Догдуркүл Кендирбаева.

Министр билим берүү программаларын талкуулоо үчүн ЖОЖдор менен жолугушууларды уюштурууну сунуштады. FAO өкүлдөрү окуу материалдары жана усулдук колдонмолор менен бөлүшүүгө даяр экендиктерин билдиришти.

Бөлүшүңүз