МАТЕМАТИКА БОЮНЧА КЫРГЫЗ ОЛИМПИАДА КЫЙМЫЛЫ ТАЛАНТТУУ ОКУУЧУЛАРГА БИРДЕЙ МҮМКҮНЧҮЛҮК БЕРҮҮНҮ КӨЗДӨЙТ

Автор: Маалыматтык саясат бөлүмү

23 Август 2024 ж. 15:07

Көрүлдү: 1065

19-августта билим берүүдөгү инновациялык жетишкендиктердин жармаңкесинин алкагында Кыргыз Республикасынын математика боюнча курама командасынын машыктыруучусу Мамат Ишматов “09.2017-09.2024 Кыргызстандагы математика боюнча олимпиадалык кыймыл. Иштин жыйынтыктары жана келечектеги перспективалар” темасында баяндама жасады.

Ал баяндамасында 2017-2024-жылдардагы окуучулардын жыйынтыктары тууралуу айтып берди.

Мамат Ишматовдун айтымында, кыргыз мектеп окуучулары:

* Математика боюнча эл аралык олимпиадада IMO – бир алтын, үч күмүш, бир коло медаль жана 20 грамота алышкан.

* Математика боюнча эл аралык Жаутыков олимпиадасында – 6 күмүш жана 14 коло медаль,

* Балкан математикалык олимпиадасында – 1 күмүш, 4 коло медаль жана 3 грамота,

* Өспүрүмдөрдүн Балкан математикалык олимпиадасында – 1 күмүш жана 2 коло медаль,

* Кытайдагы IMSC олимпиадасында – 1 күмүш, 5 коло медаль жана 4 грамота,

* Математика боюнча Азия-Тынч океан олимпиадасында – 1 алтын, 2 күмүш, 9 коло медаль жана 29 грамота,

* Геометрия боюнча Иран олимпиадасында – 2 алтын, 5 күмүш жана 12 коло медаль,

* АМС боюнча америка математика олимпиадасында – 18 алтын медаль жана грамота.

Презентациянын файлы

► 1

► 2

Бөлүшүңүз