ЭКИ ЖЫЛДЫН ИЧИНДЕ 59 МИҢДЕЙ ПЕДАГОГ ОКУТУУДАН ӨТКӨРҮЛДҮ

Автор: Маалыматтык саясат бөлүмү

8 Август 2024 ж. 9:53

Көрүлдү: 1770

Билим берүү жана илим министрлиги акыркы эки жылда “Келечек үчүн билим берүү” долбоорунун алкагында пилоттук 1200 мектептеги 59 миңге жакын мугалимдин кесиптик көндүмдөрүнүн деңгээлин жогорулатты.

Окутуулар 2023-жылдын февраль айынан башталган жана 2024-жылдын август айында аяктайт. Тренингдер гибрддик форматта - оффлайн жана онлайн режимде өтүп жатат:

• “Санариптик сабаттуулук” программасы боюнча – 36 миң мугалим;
• “Инновациялык педагогикалык технологиялар” (башталгыч класс мугалимдери) программасы боюнча - 7 миң мугалим;
• “Инновациялык педагогикалык технологиялар жана STEM билим берүүнүн негиздери” программасы боюнча - 8 миң мугалим;
• “Коррекциялык окутуунун техника жана ыкмалары” программасы боюнча - 7 миң мугалим.
• “Балалык” программасы боюнча – 827 тарбиячы (кыска мөөнөттүү 560 бала бакчанын тарбиячылары).

Белгилей кетсек, тренингдердин максаты – окутуунун натыйжаларын жакшыртуу, мугалимдердин компетенттүүлүк деңгээлин жана педагогикалык чеберчилигин өркүндөтүү.

Бардык окутуу программалары мугалимдерди окутуу системасына киргизилген.

Бөлүшүңүз