15-АВГУСТКА ЧЕЙИН СИБИРЬ МАМЛЕКЕТТИК БАЙЛАНЫШ ЖОЛДОР УНИВЕРСИТЕТИ ДОКУМЕНТТЕРДИ КАБЫЛ АЛАТ

Автор: Маалыматтык саясат бөлүмү

7 Август 2024 ж. 16:16

Көрүлдү: 1226

Сибирь мамлекеттик байланыш жолдор университети 2024-2025-окуу жылына карата Кыргыз Республикасынын жарандары үчүн “Темир жол куруу” факультетинин “Темир жол куруу” адистиги боюнча билим алуу үчүн 10 бюджеттик орун бөлдү.

Абитуриенттер 15-августка чейин inter_sgups@stu.ru электрондук дарегине төмөндөгү документтерди жибериши зарыл:

-арыз
- паспорттун көчүрмөсү
- орто жалпы билими жөнүндө аттестаттын көчүрмөсү.

Университеттин кызматкерлери Бишкекте информатика, математика, физика жана орус тили боюнча кирүү сынактарын дистанттык форматта кабыл алышат.

Бюджеттик негизде окууга кабыл алынган студенттер жатаканадан орун алышат.

Белгилей кетсек, Сибирь мамлекеттик байланыш жолдор университетине тапшыруу үчүн ЖРТ сертификаты талап кылынбайт.

Факультеттин сайты: https://abiturient-sgd.stu.ru/
http://www.stu.ru/international/index.php?page=3451

Бөлүшүңүз