МИНИСТР ДОГДУРКҮЛ КЕНДИРБАЕВА ШКУнун ИЛИМИЙ-ТЕХНИКАЛЫК КЫЗМАТТАШУУ БОЮНЧА КЕҢЕШМЕСИНЕ КАТЫШТЫ

Автор: Маалыматтык саясат бөлүмү

19 Июнь 2024 ж. 17:33

Көрүлдү: 488

19-июнда билим берүү жана илим министри Догдуркүл Кендирбаева Шанхай кызматташтык уюмуна мүчө мамлекеттердин илим жана техника боюнча министрлик жана ведомство жетекчилеринин VIII кеңешмесинде сөз сүйлөдү.

Кеңешмеде ШКУнун башкы катчысы, Индия, Иран, Казакстан, Кытай, Пакистан, Россия, Тажикстан, Өзбекстандын өкүлдөрү VII кеңешменин келишимдеринин аткарылышын, 2022-2025-жылдарга карата илимий-техникалык кызматташуунун планын, илим жана техника тармагында өз ара аракеттешүүнү тереңдетүү чараларын талкуулашты. Жыйын жыйынтыктоочу протоколго кол коюу менен аяктады.