“АРТЫКЧЫЛЫК МЕНЕН” АТТЕСТАТЫН 149 БҮТҮРҮҮЧҮ АЛАТ

Автор: Маалыматтык саясат бөлүмү

22 Май 2024 ж. 11:11

Көрүлдү: 1681

Билим берүү жана илим министрлиги 2023-2024-окуу жылындагы “Алтын тамга” жыйынтыктоочу мамлекеттик аттестацияcынын (ЖМА) жыйынтыгы менен орто жалпы билими тууралуу артыкчылык аттестатын алуу укугун 149 бүтүрүүчү тастыктагандыгын маалымдайт.

Шаар, облустар боюнча:

• Бишкек шаарынан – 68 окуучу,
• Чүй облусунан – 20 окуучу,
• Ош облусунан – 17 окуучу,
• Жалал-Абад облусунан – 9 окуучу,
• Баткен облусунан – 9 окуучу,
• Талас облусунан – 8 окуучу,
• Ысык-Көл облусунан – 6 окуучу,
• Нарын облусунан – 6 окуучу,
• Ош шаарынан – 6 окуучу.

Тастыктагандардын тизмеси – файл (pdf)

Тест жүргүзүү 14-майда республика боюнча 36 пунктта өткөрүлүп, ага 2211 окуучу катышты. Талапкерлер “Алтын тамга” ЖМАны 4 милдеттүү окуу сабагы боюнча тапшырышты: математика, эне тили жана адабияты, Кыргызстандын тарыхы жана химия .

Белгилей кетсек, “Алтын тамга” тестинин жыйынтыгы боюнча 17-19-майда апелляция жүргүзүлүп, 181 кайрылуу түштү.

Бөлүшүңүз