МИНИСТР ДОГДУРКҮЛ КЕНДИРБАЕВА ЖЕТИ-ӨГҮЗ РАЙОНУНДАГЫ ОРТО МЕКТЕПКЕ БАРДЫ

Автор: Маалыматтык саясат бөлүмү

3 Январь 2024 ж. 23:20

Көрүлдү: 1467

Билим берүү жана илим министри Догдуркүл Кендирбаева Ысык-Көл облусунун Жети-Өгүз районунун Желе-Дөбө айылындагы Б.Исмаилов атындагы орто мектебине барды.

Орто мектептин I корпусу 1976-жылы курулса, 125 орундуу II корпусу 1987-жылы курулган. Учурда мектепте 215 окуучу билим алып, 24 мугалим эмгектенет. Мектеп стандартка жооп бербегендигине байланыштуу 275 орундуу типтүү мектепке муктаж.

2023-2024-окуу жылында жергиликтүү бюджеттин эсебинен жалпы сметалык баасы 36 миллион 300 миң сомду түзгөн жаңы спорт залдын курулушу башталган.