КЫРГЫЗСТАНДЫК ОКУУЧУ ЭЛ АРАЛЫК ОЛИМПИАДАДА КҮМҮШ МЕДАЛГА ЭЭ БОЛДУ

Автор: Маалыматтык саясат бөлүмү

27 Декабрь 2023 ж. 16:54

Көрүлдү: 2385

«Газпром Кыргызстан» мектебинин окуучусу Ян Бобрус 24-27-декабрда Баку шаарында өткөн «Таланттарды даярдоо лабораториясы» аттуу математика, физика жана химия боюнча VI эл аралык өспүрүмдөр олимпиадасында күмүш медалга ээ болду.

Ян Бобрус математика боюнча жалпы 40 упайдан – 40 упай, физикадан –10 упай, химиядан 4 упай топтогон. Аны олимпиадага математика мугалими Мамат Ишматов даярдаган.

Кошумчалай кетсек, быйыл Кыргыз Республикасынын курама командасына төмөнкү окуучулар кирген:

1. Ян Бобрус, «Газпром Кыргызстан» мектебинин 8-классынын окуучусу, 54 упай,

2. Жасурбек Тешабаев, «Сапат» эл аралык билим берүү мекемесинин 10-классынын окуучусу, - 26 балл,

3. Иса Мамытов, «Сапат» эл аралык билим берүү мекемесинин 10-классынын окуучусу – 10 балл.

Команданын жетекчиси – химия боюнча эл аралык олимпиадасынын (ICHO) коло байге ээси Дооронбек Маметов.

Олимпиадага Кыргыз Республикасынан, Азербайжан Республикасынан, Грузия Республикасынан, Казакстан Республикасынан, Россия Федерациясынан жана Өзбекстан Республикасынан келген окуучулар катышты.

Бөлүшүңүз