ДИРЕКТОРЛОР СЫНАГЫ: АҢГЕМЕЛЕШҮҮДӨН ИЙГИЛИКТҮҮ ӨТКӨН ТАЛАПКЕРЛЕРДИН ТИЗМЕСИ

Автор: Маалыматтык саясат бөлүмү

30 Ноябрь 2023 ж. 11:53

Көрүлдү: 2880

Башталгыч жана орто кесиптик билим берүү уюмдарынын директорлугуна тестирлөөдөн ийгиликтүү өткөн талапкерлер конкурстун кийинки этабы болгон аңгемелешүүдөн өтүштү.

2023-жылдын 28-ноябрында өткөрүлгөн тестирлөөдө 153 талапкердин тогузу тесттен өтүп, конкурстун  кийинки аңгемелешүү этабына катышууга мүмкүнчүлүк алышкан. Бирок тогуз талапкердин экөө өз каалоосу менен аңгемелешүүгө катышуудан баш тартты.

Конкурстук комиссия калган 7 талапкерди төмөндөгү тандоо критерийлери боюнча аңгемелешүүдөн өткөрдү:

• Окуу жайды өнүктүрүүнүн жакынкы 5 жылга планы;
• Кызматтык ишмердүүлүктү жөнгө салуучу мыйзамдарды жана документтерди билүү;
• Башталгыч жана орто кесиптик билим берүү чөйрөсүндөгү окуу жайларын өнүктүрүүнүн ата мекендик жана чет өлкөлүк тажрыйбаларын билүү;
• Башталгыч жана орто кесиптик билим берүү чөйрөсүндөгү окуу жайлардын ишмердүүлүгүн болжолдоо жана пландаштыруу, талдоо мүмкүнчүлүгү;
• Өндүрүштүк этика, баарлашуу стили, чыгармачылыкка жөндөмдүүлүк, ишкердүүлүк.

Жыйынтыгында конкурстук комиссиянын чечими менен 7 талапкердин алтоо аңгемелешүүдөн ийгиликтүү өттү. Алар:

1. Элеонера Ишеекева – Бишкек шаарындагы №5 кесиптик лицейдин директорлугуна; талапкер;
2. Максат Төлөбаев – Бишкек шаарындагы №20 кесиптик лицейдин директорлугуна;
3. Тургунбек Токтосунов – Ысык-Ата районундагы №1 кесиптик окуу жайдын директорлугуна;
4. Анаркүл Серекова – Бишкек шаарындагы №93 кесиптик лицейдин директорлугуна;
5. Болот Иманалиев – Бишкек агроэкономика колледжинин директорлугуна;
6. Алмаз Азаматов – Каракол педагогикалык колледжинин директорлугуна.

Белгилей кетсек, тестирлөөнүн босого упайын топтобогон талапкерлерге конкурстун кийинки этаптарына катышууга жол берилбейт. Тесттен өтүү үчүн босого деңгээл ар бир багыт боюнча 70 пайызды түзөт.

Бөлүшүңүз