КЫРГЫЗ РЕСПУБЛИКАСЫНЫН БИЛИМ БЕРҮҮ ЖАНА ИЛИМ МИНИСТРЛИГИ ЭСКЕРТЕТ!

Автор: Маалыматтык саясат бөлүмү

29 Ноябрь 2023 ж. 14:33

Көрүлдү: 403

Урматтуу жарандар! Кыргыз Республикасынын Билим берүү жана илим министрлиги эскертет! Мектептерде PISA тесттерине даярдоодо окуучулардан, мугалимдерден кошумча акча каражаттары чогултулбайт.

PISA тесттерине каалоочулар (окуучу, ата-эне жана мугалим) Билим берүүнүн сапатын баалоо жана маалымат технологияларынын улуттук борборунун сайтында жайгаштырылган ачык маалыматтардын негизинде https://ncokoit.kg/index.php?page=71 акысыз даярдык көрсө болот.

Мындан тышкары мектептерге ар кандай оюн-зоок программаларды уюштуруу, окуучуларды кандайдыр бир жактарга (концерт, кино, цирк ж.б.) алып баруу эч качан Билим берүү жана илим министрлиги тарабынан түздөн-түз сунушталбайт. Мындай классстан тышкаркы иштер мектептин тарбия иштери боюнча иш планында болсо, алдын-ала ата-энелердин макулдашуусу менен гана жүргүзүлөт.

Эгерде кимде-ким Билим берүү жана илим министрлигинин атын жамынып, кандайдыр бир коммерциялык максаттарды көздөсө, анда Билим берүү жана илим министрлигинин фейсбук расмий баракчасы аркылуу кабарласаңыздар болот!

Бөлүшүңүз