Кара-Балтада кесиптик лицейлердин педагогдору «Автоэлектрик» кесиби боюнча квалификациясын жогорулатууда

Автор: Секторду өнүктүрүү программасы: Инклюзивдик өнүгүү үчүн көндүмдөр

24 Октябрь 2023 ж. 20:24

Көрүлдү: 143

Кара-Балта шаарындагы технико-экономикалык колледжинин Алдыңкы тажрыйба борборунда Чүй жана Талас облусунун баштапкы билим берүү окуу жайларынын 16 мугалим жана устаты үчүн “Автоэлектрик” адистиги боюнча квалификацияны жогорулатуу курстары жүрүүдө.

Мыйзамга ылайык, баштапкы жана орто билим берүү системасынын окутуучулары жана устаттары маал-маалы менен өз квалификациясын жогорулатып туруусу керек.

“Секторду өнүктүрүү программасы”: Инклюзивдүү өсүү үчүн көндүмдөр" долбоорунун алкагында аталган адистик боюнча окуу-методикалык комплекс иштелип чыккан.
Жетимиш эки сааттык курстун катышуучулары тажрыйбалуу адистерден аталган билим берүү программасында камтылган темалар боюнча окутуудан өтүп, керектүү көндүмдөргө ээ болот.

Аталган курс Билим берүү жана илим министрлиги тарабынан Азия өнүктүрүү банкынын колдоосунда ишке ашырылган “Секторду өнүктүрүү программасы”: Инклюзивдүү өсүү үчүн көндүмдөр" долбоорунун алкагында ишке ашырылууда.

Бөлүшүңүз