МИНИСТРДИН ОРУН БАСАРЫ РАСУЛ АБАЗБЕК УУЛУ ГЕРМАНИЯНЫН ДЕЛЕГАЦИЯСЫ МЕНЕН КВАЛИФИКАЦИЯЛУУ АДИСТЕРДИ ДАЯРДООНУ ТАЛКУУЛАДЫ

Автор: Маалыматтык саясат бөлүмү

4 Август 2023 ж. 15:29

Көрүлдү: 1719

4-августта Билим берүү жана илим министринин орун басары Расул Абазбек уулу Германия өкмөтүнүн миграциялык макулдашуу боюнча Атайын жана ыйгарым укуктуу өкүлү доктор Йоахим Штамп жетектеген германиялык делегация менен жолугушту.

Тараптар билим берүү тармагындагы кызматташтыкты кеңейтүү, квалификациялуу адистерди даярдоо, Германияда уюшкан ишке орноштуруу, визалык процедураларды жөнөкөйлөтүү, немис тилин үйрөнүү маселелерин талкуулашты.

Доктор Йоахим Штамп Германияда квалификациялуу кадрлардын жетишсиздигин белгилеп, эмгек ресурстарын тартуу жаатында узак мөөнөттүү кызматташтыкты түзүүнүн маанилүүлүгүн белгиледи.

Тараптар белгиленген маселелер боюнча кызматташууну улантууну макулдашты.

Бөлүшүңүз