ТОМСК ШААРЫНДАГЫ ЖОГОРКУ ОКУУ ЖАЙЛАРГА АБИТУРИЕНТТЕРДИ КАБЫЛ АЛУУ ЖАРЫЯЛАНДЫ

Автор: Маалыматтык саясат бөлүмү

23 Июнь 2023 ж. 18:02

Көрүлдү: 910

Россия Федерациясынын Новосибирск шаарындагы Кыргыз Республикасынын Башкы консулдугунун көмөгү менен Томск шаарындагы беш университеттин көчмө кабыл алуу комиссиясы Бишкекке келет.

Кыргыз Республикасынын мектептеринин бүтүрүүчүлөрү Сибирь мамлекеттик медициналык университетине, Томск мамлекеттик архитектура-курулуш университетине, Томск мамлекеттик университетине, Томск мамлекеттик башкаруу системалары жана радиоэлектроника университетине жана Томск политехникалык университетине бюджеттик негизде окууга документтерин тапшыра алышат.

3-июлдан 7-июлга чейин көчмө кабыл алуу комиссиясы ата-энелер жана мектеп бүтүрүүчүлөрү менен адистиктер боюнча, кабыл алуу үчүн документтерди чогултуу, кирүү сынактарын өткөрүү жана төмөнкү ЖОЖдорго бюджеттик орундарды тандоо жолугушууларды өткөрөт.

Томск мамлекеттик университетине документтерди кабыл алуу жана сынактар ​​2023-жылдын 24-июнунан 29-июнуна чейин Бишкек шаарындагы №65 экологиялык-экономикалык лицейде өткөрүлөт. Толук маалыматты ТМУнун жаңы кадрларды кабыл алуу бөлүмүнүн менеджери Рустам Стамкуловдон алууга болот.

 Телефон: WhatsApp +79832341020/ +996(555)000624

Томск шаарындагы башка жогорку окуу жайларына документтерди кабыл алуу жана экзамендерди тапшыруу даталары тууралуу маалымат кийинчерээк жарыяланат.

Сайттарга шилтеме:

Сибирь мамлекеттик медициналык университети - https://abiturient.ssmu.ru;

Томск политехникалык университети - https://abiturient.tsu.ru;

Томск мамлекеттик башкаруу системалары жана радиоэлектроника университети - https://postupi.tusur.ru;

Томск мамлекеттик архитектура жана курулуш университети - https://tsuab.ru;

Томск политехникалык университети - https://abiturient.tpu.ru.

Өткөрүү жери:

Кыргыз Республикасы, Бишкек шаары, И. Раззаков атындагы КМТУ  Ч.Айтматов проспекти 66а

Бөлүшүңүз