ЖРТ-2023: КАТТОО 6-АПРЕЛДЕ АЯКТАЙТ

Автор: Маалыматтык саясат бөлүмү

5 Апрель 2023 ж. 10:55

Көрүлдү: 915

Билим берүү жана илим министрлиги Жалпы республикалык тестке (ЖРТ) каттоо 6-апрелде аяктай тургандыгын маалымдайт.

Тестке каттоо мектепте окуган абитуриенттер үчүн окуган жайларда уюштурулуп, мурдагы жылдардын бүтүрүчүлөрү шаардык жана райондук билим берүү бөлүмдөрүнөн өтүшөт.

Каттоодон өтүү үчүн керек болгон документтер:
• паспорт (же, паспорт ала элек болсо, туулгандыгы жөнүндө күбөлүк);
• орто билим жөнүндөгү аттестат (мурдагы жылдардын бүтүрүүчүлөрү үчүн);
• ЖРТга каттоо акысы төлөгөндүгүн тастыктаган квитанция;
• талаптарга ылайык келген электрондук сүрөт.

Белгилей кетсек, ЖРТга каттоо 2023-жылдын 27-февралында башталган.