Билим берүү жана илим министрлиги Болотбек Купешевге кылмыш иши козголгондугу тууралуу маалыматты төгүндөйт

Автор: Маалыматтык саясат бөлүмү

20 Сентябрь 2021 ж. 23:00

Көрүлдү: 1311

Кыргыз Республикасынын Билим берүү жана илим министрлиги Reporter.kg маалымат агенттигинин Купешев Болотбек Душековичке кылмыш иши козголгондугу тууралуу билдирүүсүн (https://reporter.kg/ru/bilim-beryy-ministri-kupeshovgo-kylmysh-ishi-kozgoldu/) төгүндөйт.

«Билим берүү жана илим министри Болотбек Купешевге кылмыш иши козголду» деген маалымат чындыкка дал келбейт.

«Массалык маалымат каражаттары жөнүндө» Кыргыз Республикасынын Мыйзамынын 17-беренесине ылайык, министрлик Reporter.kg маалымат агенттигинен чындыкка дал келбеген, Болотбек Душековичтин ар-намысына көө жапкан, элге жар салынган билдирүүнү эл алдында төгүндөөнү талап кылат.   

Ошону менен бирге министрлик редакцияга жалган маалыматты атайылап элге жар салуудан карманууну сунуштайт.

Бөлүшүңүз