ОШТО БИЛИМ БЕРҮҮ ЖӨНҮНДӨ МЫЙЗАМ ДОЛБООРУ ТАЛКУУЛАНДЫ

Автор: Маалыматтык саясат бөлүмү

7 Февраль 2023 ж. 14:20

Көрүлдү: 841

6-февралда Башталгыч кесиптик билим берүү башкармалыгынын башчысы Гүлнур Мамырова Ош шаардык кеңешинде Кыргыз Республикасынын “Билим берүү жөнүндө” Мыйзам долбоорун коомдук талкуулоого катышты.

Жогорку Кеңештин депутаттары Бактыбек Чойбеков жана Элдар Сулайманов Ош шаарында мыйзам долбоорун коомдук талкуулоону демилгелешип, ага шаардык кеңештин депутаттары, Баткен, Жалал-Абад жана Ош облустарынын кесиптик лицейлеринин директорлору катышты.

Башталгыч кесиптик билим берүү мекемелеринин жетекчилери жаштар арасындагы миграциянын өсүшүн айтып, көз карандысыз каржылоо жана материалдык-техникалык базаны жаңылоо зарылдыгына токтолушту. Алардын сунуштары мыйзам долбоорун кароодо жана Бюджеттик кодекске өзгөртүүлөрдү киргизүүдө эске алынат.
 

Бөлүшүңүз